తెలుగునాట సంచ‌న‌ల‌నాలు సృష్టించిన రియాలిటీ షో బిగ్ బాస్‌. తొలి సీజ‌న్‌లో ఎన్టీఆర్ ఈ షోని ర‌క్తిక‌ట్టిస్తే, రెండో సీజ‌న్‌లో నాని ముందుండి న‌డిపించాడు. మూడో సీజ‌న్‌లో హోస్ట్‌గా ఎవ‌రు క‌నిపిస్తారా?  అని అంతా ఆస‌క్తిగా ఎదురుచూస్తున్నారు. ఆ హోస్ట్ సంగ‌తి ఇంకా తేల‌లేదు గానీ.. బిగ్ బాస్‌లో పాల్గొన‌బోయేవాళ్ల లిస్టు లీకైంది. ఇందులో పాపుల‌ర్ సెల‌బ్రెటీలే క‌నిపిస్తున్నారు.

ర‌ష్మి, ఉద‌య‌భాను, ఝాన్సీ, లాస్య లాంటి ఫిమేల్ యాంక‌ర్ల‌తో పాటు.... ప్ర‌దీప్‌, ర‌విలాంటి మేల్ యాంక‌ర్ల పేర్లు ప్ర‌ముఖంగా వినిపిస్తున్నాయి. జ‌బ‌ర్‌ద‌స్త్‌తో పాపుల‌ర్ అయిన సుడిగాలి సుధీర్‌, చ‌లాకీ చంటి, చ‌మ‌క్ చంద్ర‌ల పేర్లూ బ‌య‌ట‌కు వ‌చ్చాయి. రాశీ, వ‌రుణ్ సందేశ్‌, కీర్తీ చావ్లా లాంటి మాజీ సినీ స్టార్ల పేర్లు లీక్ అయ్యాయి. దాదాపు 20 మంది తో ఓ లిస్టు త‌యారైంద‌ని అందులో 16 మందిని ఫైన‌ల్ చేస్తార‌ని తెలుస్తోంది. మ‌రి ఫైన‌ల్ లిస్టులో ఉండేదెవ‌రో చూడాలి.