'వైట్‌ ఎలిఫెంట్‌' పేరు విన్నాం. కానీ ఈ 'వైట్‌ డెవిల్‌ 'సంగతేంటంటారా? విశాల్‌ హీరోగా తెరకెక్కుతోన్న సినిమాలో యాక్షన్‌ కిింగ్‌ అర్జున్‌ క్యారెక్టర్‌ పేరు 'వైట్‌ డెవిల్‌'. విశాల్‌ హీరోగా 'ఇరుంబుతెరై' అనే సినిమా తెరకెక్కుతోంది. ఈ సినిమాలోని అర్జున్‌ క్యారెక్టర్‌ ఫస్ట్‌లుక్‌ని విడుదల చేస్తూ, పోస్టర్‌పై యూజర్‌ నేమ్‌ 'వైట్‌ డెవిల్‌' అని రాసుంది. బ్యాక్‌గ్రౌండ్‌లో సైబర్‌ క్రైమ్‌లు, సైబర్‌ ఎటాక్స్‌ ఇలా వీటికి సంబంధించిన బ్యాక్‌డ్రాప్‌ ఉంది. టైటిల్‌ మీద విశాల్‌, అండ్‌ యాక్షన్‌ కింగ్‌ అర్జున్‌ ఇన్‌ 'ఇరుంబుతురై' అని డిజైన్‌ చేశారు. విశాల్‌ పేరుకు ముందు ఏం పెట్టలేదు కానీ, అర్జున్‌ పేరుకు ముందు యాక్షన్‌ కింగ్‌ అని డిజైన్‌ చేసుంది. అంటే సీనియర్‌ హీరోకి విశాల్‌ ఇచ్చిన ఇంపార్టెన్స్‌ అనుకోవాలి.

ఈ సినిమాకి విశాల్‌ నిర్మాతగానూ వ్యవహరిస్తున్నారు. ఈ మధ్యనే సమంత పాత్రని పరిచయం చేస్తూ డాక్టర్‌ రతీదేవి పిహెచ్‌డీ ఇన్‌ సైకాలజీ అనే పోస్టర్‌ విడుదల చేశారు. ఇంతకు ముందే విశాల్‌ ఫస్ట్‌లుక్‌ విడుదలైంది. బ్యాక్‌డ్రాప్‌లో కంప్యూటర్లు, ఇతరత్రా ఎలక్ట్రానిక్‌ గ్యాడ్జిట్స్‌ ఉన్నాయి ఆ పోస్టర్‌లో. ఇదంతా చూస్తుంటే, ఈ సినిమా టెక్నికల్‌గా సమ్‌థింగ్‌ స్పెషల్‌ ఇంట్రెస్టింగ్‌ కాన్సెప్ట్‌తో తెరకెక్కుతోందని భావించాలి. పి.యస్‌.మిత్రన్‌ ఈ సినిమాకి దర్శకత్వం వహిస్తున్నారు. యువన్‌ శంకర్‌ రాజా మ్యూజిక్‌ అందిస్తున్నారు. జనవరిలో సినిమా విడుదల కానుంది.

ఇటీవలే 'డిటెక్టివ్‌' సినిమాతో ప్రేక్షకుల ముందుకొచ్చాడు విశాల్‌. మరోవైపు యాక్షన్‌ కింగ్‌ అర్జున్‌ తెలుగులో 'లై' సినిమాలో విలన్‌గా నటించాడు. క్యారెక్టర్‌ పరంగా అర్జున్‌ పాత్ర బాగుంది. కానీ సినిమా ఆశించిన విజయాన్ని అందుకోకపోవడంతో అర్జున్‌ క్యారెక్టర్‌ అంతగా ఎలివేట్‌ కాలేదు. చూడాలి తాజా సినిమాతో అర్జున్‌ మరోసారి విలన్‌గా మెప్పించేందుకు సిద్ధమవుతున్నాడు.