ఈ సంవత్సరంలో భారతీయ చిత్రాలలో IMDB రేటింగ్స్ పరంగా టాప్ 10 చిత్రాల లిస్టు విడుదలైంది.
ఆ 10 ఉత్తమ చిత్రాలలోమన తెలుగు నుండి 3 చిత్రాలు ఉండటం ఇప్పుడు దేశవ్యాప్తంగా హాట్ టాపిక్ గా మారిపోయింది. ఇక ఆ లిస్టు లో చోటు దక్కించుకున్న చిత్రాలు ఏంటంటే- అర్జున్ రెడ్డి, బాహుబలి 2 & ఘాజి. ఈ మూడు చిత్రాలకి బెస్ట్ రేటింగ్స్ రావడంతో వీటికి ప్రత్యేక గుర్తింపు లబిస్తున్నది.
ఇక ఈ గుర్తింపుతో ఈ మూడు చిత్రాల నటీనటులు, టెక్నీషియన్స్ తమ ఆనందాన్ని వ్యక్తం చేస్తున్నారు. ఇదిలావుండగా బాహుబలి 2, ఘాజి చిత్రాలు హిందీలో విడుదలవ్వగా ఇప్పుడు అర్జున్ రెడ్డి చిత్రాన్ని హిందీలో రీమేక్ చేయనున్నారు.
ఏదేమైనా ఈ సంవత్సరం తెలుగు చలనచిత్ర పరిశ్రమ ఇటు కమర్షియల్ గా అటు కంటెంట్ పరంగా గత ఏడాదితో పోలిస్తే చాలా మెరుగైంది అని చెప్పొచ్చు.
