నాగ‌శౌర్య హీరోగా తెర‌కెక్కిన చిత్రం అశ్వ‌ద్ధామ. ఈ సినిమాకి త‌నే నిర్మాత. క‌థ కూడా తానే రాశాడు. బాక్సాఫీసు ద‌గ్గ‌ర మిక్డ్స్ రిపోర్ట్ వ‌చ్చింది. రివ్యూలు బాగున్నా.. క‌ల‌క్ష‌న్లు మాత్రం అనుకున్నంత రాలేదు. కానీ టీవీలో మాత్రం ఈ బొమ్మ సూప‌ర్ హిట్‌. ఇటీవ‌ల జెమినీలో ఈ సినిమాని టెలీకాస్ట్ చేస్తే.. ఏకంగా 9.1 రేటింగు వ‌చ్చింది. ఇప్ప‌టి వ‌ర‌కూ నాగ‌శౌర్య సినిమాల రేటింగుల్లో ఇదే బెస్ట్‌. సాధార‌ణంగా పెద్ద సినిమాల‌కు ఈ త‌ర‌హా రేటింగులు వ‌స్తుంటాయి. కానీ శౌర్య దాన్ని సాధించాడు.
ఓ వినూత్న‌మైన అంశాన్ని ఎంచుకుని థ్రిల్ల‌ర్‌గా రూపొందించిన సినిమా ఇది. క‌థ‌లో స‌స్పెన్స్ ఎలిమెంట్స్ బాగా ఆక‌ట్టుకుంటాయి. అందుకే.. టీవీల్లో ఈ సినిమా హిట్ట‌య్యింది. దాంతో పాటు లాక్ డౌన్ కూడా బాగా క‌లిసొచ్చింది. ఇంటిల్లిపాదీ ఇంట్లోనే ఉండ‌డం, టీవీలు త‌ప్ప మ‌రో కాల‌క్షేపం లేక‌పోవ‌డం అశ్వ‌ద్ధామ రేటింగుకు దోహ‌ద‌ప‌డ్డాయి.
