నటి, రాజకీయ నాయకురాలైన ఖుష్బు పైన నిన్న కొందరు అనూహ్యంగా కోడిగుడ్లు, టమాటలతో దాడి చేశారు.
ఈ సంఘటన నిన్న తమిళనాడులో మేటూర్ కోర్టు ఆవరణలో జరిగింది. పూర్తి వివరాల్లోకి వెళితే, ఖుష్బు గతంలో స్త్రీల గురించిన చేసిన కొన్ని వ్యాఖ్యలకి సంబంధించి ఆమె పైన కోర్టులో కేసు నమోదు మొదలైంది. ఇక నిన్న ఆ కేసుకి సంబంధించి విచారణకి వచ్చిన సమయంలో ఆమె కారు పైన కోడిగుడ్లు, టమాటలతో దాడి చేయడం జరిగింది.
ఈ దాడికి సంబంధించి 41మంది పైన స్థానిక పోలీసు స్టేషన్ లో కేసు నమోదు చేశారు. అలాగే మేటూరు తహసీల్దారు ఈ కేసుకి సంబంధించి కోర్టుకి వచ్చి తన వాగ్మూలం నమోదు చేయడం జరిగింది.
దీనితో ఈ కేసుని మార్చ్ 6వ తేదీకి వాయిదా వేయడం జరిగింది.
