షార్ట్‌ ఫిలిమ్స్‌తో పాపులరైన డైరెక్టర్‌ ప్రశాంత్‌వర్మకి 'అ!' చిత్రం ద్వారా బిగ్‌ స్క్రీన్‌పై సత్తా చాటే అవకాశం కలిగింది. తొలి సినిమాతోనే ఈ యువ దర్శకుడు ఇండస్ట్రీ దృష్టిని విశేషంగా ఆకర్షించాడు. రోటీన్‌ కథలకు భిన్నంగా సరికొత్త కాన్సెప్ట్‌తో 'అ' చిత్రాన్ని తెరకెక్కించి, విమర్శకులు ప్రశంసలు అందుకున్నాడు. ఈ సినిమాని పొగడని వారు లేరంటే నమ్మి తీరాల్సిందే. 

అయితే హిట్‌ అయ్యిందా? రికార్డులు కొల్లగొట్టిందా? అనే విషయాలు పక్కన పెడితే, ఈ సినిమా ఖచ్చితంగా అందరి దృష్టినీ ఆకర్షించింది. ఆలోచింపచేసింది. ఇలాంటి ప్రయత్నాలకు బీజం వేసింది. మన టాలీవుడ్‌లో కూడా ఈ తరహా సినిమాలను ధైర్యంగా తెరకెక్కించొచ్చుననే నమ్మకాన్ని, ధైర్యాన్ని కలిగించింది. ఈ సినిమాతో మంచి పేరు తెచ్చుకున్న ఈ యంగ్‌ దర్శకుడు ప్రశాంత్‌ వర్మ తదుపరి చిత్రం ఎలా ఉండబోతోంది. ఎవరితో తెరకెక్కించబోతున్నాడనే విషయాలపై ఆశక్తికరమైన అప్‌డేట్స్‌ అందుతున్నాయి. 

ప్రశాంత్‌వర్మ తదుపరి చిత్రాల కోసం పెద్ద హీరోలకు గాలమేస్తున్నాడని తెలుస్తోంది. ఇప్పటికే తన వద్ద ఆగ్ర హీరోల కోసం రాసుకున్న స్క్రిప్టులు ఒక్కొక్కటిగా తీసి, పలువురు హీరోలకు వినిపిస్తున్నాడట. ఆ మార్గంలో ఆల్రెడీ ఓ అగ్రహీరో ప్రశాంత్‌శర్మ చెప్పిన కథకు ఇన్‌స్పైర్‌ అయ్యాడనీ, ఆ ప్రాజెక్టుకు ఓకే చెప్పే యోచనలో ఉన్నాడనీ తెలుస్తోంది. ఇంతకీ ఆ అగ్రహీరో ఎవరంటే..? 'అ!' అప్పుడే చెప్పేస్తారా? కొంచెం టైం పడుతుంది. త్వరలోనే ఆ వివరాలు వెల్లడిస్తాననీ ఈ క్రియేటివ్‌ డైరెక్టర్‌ సస్పెన్స్‌లో పడేశాడే! ఏం చేస్తాం. 

ఆయన చెప్పేవరకూ వెయిట్‌ చేద్దాం!