దేశ వ్యాప్తంగా సంచనలనం సాధించిన సినిమా 'బాహుబలి'. రాజమౌళి తెరకెక్కించిన అద్భుత దృశ్యకావ్యం ఈ సినిమా. రికార్డు స్థాయిలో వసూళ్లు సాధించింది. అలాంటి ఈ సినిమాని ఇండియాలో రీమేక్‌ చేయడమనే ఛాన్స్‌ దాదాపుగా లేదనే చెప్పాలి.
అలాంటిది భోజ్‌పురి నటుడు దినేష్‌లాల్‌ యాదవ్‌ ఈ సినిమాని రీమేక్‌ చేస్తున్నట్లుగా ప్రకటించాడు. సోషల్‌ మీడియాలో ఈ విషయాన్ని వెల్లడిస్తూ కొన్ని ఫోటోలు కూడా పోస్ట్‌ చేశాడు. 'బాహుబలి' లాంటి కత్తులు, కాస్ట్యూమ్స్‌తో ఉన్నాడు ఈ ఫోటోల్లో దినేష్‌లాల్‌. కానీ ఈ స్టిల్స్‌ చూస్తుంటే కామెడీగా అనిపిస్తోంది. ఎందుకంటే 'బాహుబలి' సినిమాలో ప్రబాస్‌ కండలు తిరిగి హుందాగా కనిపిస్తాడు. కానీ ఇక్కడ హీరో చాలా సాదా సీదాగా, కామెడీగా ఈ గెటప్‌ వేశాడా? అన్నట్లున్నాడు. నిజంగానే ఈ సినిమా హక్కుల్ని సొంతం చేసుకున్నాడా? లేక 'బాహుబలి' పేరుతో పబ్లిసిటీ స్టంట్స్‌ చేస్తున్నాడో ఏమో తెలీదు కానీ, సినిమా డైరెక్టర్‌ పేరు కూడా వెల్లడించాడు దినేష్‌లాల్‌. ఇక్బాల్‌ భక్ష్‌ ఈ సినిమాని తెరకెక్కిస్తున్నారట.
మహారాష్ట్రలోని కొన్ని గ్రామాల్లో ప్రోమోస్‌ కోసం చిత్రీకరణ జరుపుతున్నారట. అయితే ఈ విషయంలో 'బాహుబలి' చిత్ర నిర్మాతలు, డైరెక్టర్‌ రాజమౌళి స్పందించాల్సి ఉంది. ఈ ప్రకటనలో ఎంత నిజం ఉంది ఏంటనేది తెలియాలంటే వారు స్పందిస్తే గానీ ఓ స్పష్టత రాదు. అయితే ప్రస్తుతానికి ఈ న్యూస్‌ మాత్రం హాట్‌ టాపిక్‌ అయ్యింది. అలాగే మరో పక్క ఇదంతా కామెడీకి చేసిందే అని లైట్‌ తీసుకుంటున్నారు కొంతమంది. అసలు సంగతేంటో తెలియాల్సి ఉంది.
