మెగాస్టార్‌ చిరంజీవి, వెంకటేష్‌, పవన్‌ కళ్యాణ్‌.. ఇలా సీనియర్‌ హీరోలంతా ఓ పక్క వరుస ప్రాజెక్టులతో బిజీగా ఉన్నారు. సినిమా రిలీజ్‌ డేట్లు. అప్‌డేట్లూ ఇస్తూ ఫ్యాన్స్‌ని ఖుషీ చేస్తున్నారు. ఇక జూనియర్‌ హీరోల హవా ఓ రేంజ్‌లో ఉంది. అయితే, ఎప్పుడూ వరుస సినిమాలతో బిజీగా ఉండే మన బాలయ్య బాబు నుండి మాత్రం ఎలాంటి అప్‌డేట్‌ రాలేదింతవరకూ.
లాక్‌డౌన్‌కి ముందే బాలయ్య చాలా చాలా ప్రాజెక్టులు ఓకే చేసి పెట్టారు కానీ, వాటికి సంబంధించి, ఏ ఒక్క అప్‌డేట్‌ రాలేదింతవరకూ. ఈ విషయమై బాలయ్య అభిమానులు కాస్త ఆందోళన చెందుతున్నారు. తమ అభిమాన హీరో నుండి అప్‌డేట్‌ వస్తుందని ఆశగా ఎదురు చూస్తున్నారు. మరో వైపు త్వరలోనే బాలయ్య అదిరిపోయే అప్‌డ్‌ ఇవ్వనున్నారని ఆయన సహచరులు చూజాయగా ఓ సందేశం పాస్‌ చేశారు.
సో త్వరలోనే బాలయ్య నుండి కూడా అప్‌డేట్‌ రావచ్చన్న మాట. ప్రస్తుతం బోయపాటి శీనుతో బాలయ్య సినిమా చేస్తున్న సంగతి తెలిసిందే. బోయపాటి - బాలయ్య కాంబినేషన్‌లో గతంలో వచ్చిన రెండు సినిమాలూ సూపర్‌ డూపర్‌ హిట్స్‌ అయ్యాయి. పవర్‌ ఫుల్‌ యాక్షన్‌ ఎంటర్‌టైనర్స్‌గా రూపొందిన ఆ చిత్రాలకు మించి, యాక్షన్‌ ఘట్టాల్ని బోయపాటి ఈ సినిమాలో బాలయ్య కోసం డిజైన్‌ చేస్తున్నారట. అంతేకాదు, ఈ సినిమాలో బాలయ్య డిఫరెంట్‌ లుక్‌లో కనిపించబోతున్నారు. చూడాలి మరి, ఈ బెస్ట్‌ కాంబో ఈ సారి హ్యాట్రిక్‌ అవుతుందో లేదో.
