భగవంత్ కేసరి హిట్ తో బాలయ్య హ్యాట్రిక్ కొట్టారు. బాబీ దర్శకత్వం లో ఒక సినిమా రాబోతోంది. ఈ సినిమా తరవాత బాలయ్య, బోయపాటి కాంబో రిపీట్ కానుంది. వీరి కాంబినేషన్లో వచ్చిన అఖండ అద్భుత విజయాన్ని అందుకుంది. ఇప్పుడు ఈ మూవీకి సీక్వెల్ గా అఖండ 2 రానుంది. ఈ సినిమా  పై అప్పుడే భారీ అంచనాలు నెలకొన్నాయి. బాబీతో సినిమా పూర్తి అయ్యాక  అఖండ 2 మొదలవుతుందని సమాచారం. ఏపీ ఎన్నికలు కూడా దగ్గర పడుతుండటంతో బాలయ్య ఎన్నికల ప్రచారాల్లో పాల్గొంటారు. ఈ క్రమంలో సినిమాలకి కొంచెం బ్రేక్ ఇచ్చి ఎన్నికలు తరవాత బోయపాటి తో సమరంలోకి దిగుతారు.

బోయపాటి ఇప్పటికే అఖండ 2 స్క్రిప్ట్ పూర్తి చేశారని  తెలుస్తోంది. మొదటి పార్ట్ లో బాలయ్య అఘోరగా కనిపించి అందర్నీ ఆశ్చర్య పరిచాడు. ఆ పాత్ర లో కూడా ప్రేక్షకుల్ని మెస్మరైజ్ చేశాడు. ఇప్పుడు సీక్వెల్ లో బాలయ్య మరో సర్ప్రైజింగ్ రోల్ లో కనిపించనున్నట్లు సమాచారం. సెకండ్ హాఫ్ లో వచ్చే ఫ్లాష్ బ్యాక్ లో బాలయ్య పూర్తిగా ఓల్డ్ గెటప్ లో కనిపిస్తాడని, అది కూడా సాధువు లుక్ లో అని ఫిల్మ్ వర్గాల టాక్. అంటే అఘోర పాత్రతో పాటు సాధువు పాత్రలో కూడా బాలయ్య ఆడియన్స్ ని మెప్పించనున్నాడు.

ఈ న్యూస్ విన్న ఫాన్స్ చాలా ఎక్సయిటింగ్ గా ఉన్నారు. సోషియో ఫాంట‌సీ ఎలిమెంట్స్ తో కొత్త, కథాంశంతో బాలయ్య మరో వినూత్న సినిమా చేస్తున్నారు అని తెలుస్తోంది. బోయపాటి మార్క్ యాక్షన్ సీన్స్, పొలిటికల్ పంచ్ లు  కూడా సినిమాలో ఫుల్ గా ఉంటాయని టాక్. బాలయ్య బోయపాటి కాంబో అంటే లెక్కలు తారు మారే. గెట్ రెడీ ఫాన్స్ అంటున్నారు.