సైందవ్ సినిమాతో సంక్రాంతి బరిలో దిగిన వెంకటేష్ ప్రేక్షకులని మెప్పించలేకపోయారు. నెక్స్ట్ F2 , F3 లాంటి హిట్స్ ఇచ్చిన అనిల్ రావిపూడి తో ఒక సినిమాకి కమిట్ అయ్యారు. వెంకీ కెరీర్ కి ఇది 76 వ సినిమా. ఈ మూవీ కామెడీ అండ్ ఫ్యామిలీ యాక్షన్ ఎంటర్టైనర్ అని సమాచారం. దిల్ రాజు నిర్మాణంలో తెరకెక్కుతున్న ఈ సినిమా డీటెయిల్స్ త్వరలో అధికారికంగా రానున్నాయని తెలుస్తోంది.
లేటెస్ట్ అప్డేట్ ప్రకారం ఈ మూవీలో వెంకీ సరసన మీనాక్షి చౌదరి హీరోయిన్ గా ఫిక్స్ అయ్యిందని తెలుస్తోంది. మీనాక్షి రీసెంట్గా గుంటూరు కారంలో నటించింది. తన పాత్రకి పెద్దగా ప్రాధాన్యత లేకపోయినా ఆ సినిమా తరువాతా అవకాశాలు అందుకుంటోంది. ఆకట్టుకునే అందం, అభినయంతో ఒక వైపు యంగ్ స్టార్స్ పక్కన, మరో పక్క సీనియర్ హీరోలతో ఆఫర్స్ అందిపుచ్చుకుంటోంది.
మిగతా నటీనటులు, సాంకేతిక నిపుణుల ఎంపిక జరుగుతోందట. F2 సినిమాలానే ఈ మూవీ కూడా అన్ని వర్గాల ఫాన్స్ ని అలరిస్తుందని, వెంకీకి మరో హిట్ గ్యారంటీ అని నమ్మకంగా ఉన్నారు. ఈ మూవీ స్క్రిప్ట్ ని అనిల్ రావిపూడి ఇప్పటికే సిద్ధం చేసినట్లు తెలుస్తోంది. ఈ మధ్యే టైటిల్ కూడా రిజిస్టర్ చేయించారు. 'సంక్రాంతికి వస్తున్నాం' అని టైటిల్ ఫిక్స్ చేశారు.
