మన క‌థానాయ‌కుల ఖ్యాతి ఖండాంత‌రాలు దాటుతోంది. ప్ర‌పంచం న‌లుమూల‌లా వాళ్ల‌కు అభిమానులు వెలుస్తున్నారు. ఓటీటీల పుణ్య‌మా అని... సినిమా వెళ్లిన ప్ర‌తీచోటా... వాళ్ల ఇమేజ్ కూడా వెళ్తోంది. ఇప్పుడు బీ.సీ సెంట‌ర్లు అనే తేడా లేదు. ఎక్క‌డైనా ఒక‌టే హంగామా. `అఖండ‌` సినిమా విష‌యంలో ఇది మ‌రోసారి నిజ‌మైంది.

బాల‌కృష్ణ - బోయ‌పాటి శ్రీ‌ను కాంబినేష‌న్‌లో రూపుదిద్దుకున్న సినిమా అఖండ‌. డిసెంబ‌రు 2న విడుద‌ల అవుతోంది. ఇప్ప‌టికే చాలా చోట్ల‌... ప్రీ బుకింగ్స్ మొద‌లైపోయాయి. ప్రీమియ‌ర్ షోల హ‌డావుడి క‌నిపిస్తోంది. ఏపీ, తెలంగాణ‌ల‌లో ప్రీమియ‌ర్ షోల టికెట్లు హాట్ కేకుల్లా అమ్ముడుపోవ‌డంలో ఎలాంటి ఆశ్చ‌ర్యం లేదు. కానీ ఆస్ట్రేలియాలోని మెల్ బోర్న్‌లో... అఖండ సినిమా టికెట్ల‌కు మంచి గిరాకీ ఏర్ప‌డింది. ప్రీమియ‌ర్ షో కౌంట‌ర్లు తెర‌చిన కాసేప‌టికే... టికెట్ల‌న్నీ అయిపోయాయ‌ట‌. ఓ తెలుగు సినిమాకి అక్క‌డ ఇలాంటి స్పంద‌న రావ‌డం ఓ రికార్డ్ అని అంటున్నాయి చ‌ల‌న చిత్ర‌సీమ వ‌ర్గాలు. బాల‌య్య సినిమానా.. మ‌జాకానా?