నంద‌మూరి బాల‌కృష్ణ - బోయ‌పాటి శ్రీ‌ను కాంబినేష‌న్‌లో ఇప్ప‌టి వ‌ర‌కూ రెండు సినిమాలొచ్చాయి. రెండూ సూప‌ర్ హిట్లే. ఇప్పుడు మూడో సినిమా సెట్స్ పై ఉంది. లాక్ డౌన్‌కి ముందు కొంత మేర షూటింగ్ జ‌రిగింది. త్వ‌ర‌లోనే కొత్త షెడ్యూల్ మొద‌లెడ‌తారు. అయితే ఇప్ప‌టి వ‌ర‌కూ ఈ సినిమాలో హీరోయిన్ ఎవ‌ర‌న్న‌ది ఇంకా ఫైన‌లైజ్ కాలేదు. కాక‌పోతే చాలా పేర్లు బ‌య‌ట‌కు వ‌చ్చాయి. ఇటీవ‌ల అమ‌లాపాల్ పేరు బాగా చ‌క్క‌ర్లు కొట్టింది. బాల‌య్య - అమ‌లాపాల్ జోడీ ఖాయ‌మ‌ని వార్త‌లు గుప్పుమ‌న్నాయి.

అయితే వీటిపై చిత్ర‌బృందం స్పందించింది. ఈసినిమాలో అమ‌లాపాల్ ని హీరోయిన్ గా ఎంచుకున్నార‌న్న వార్త‌ల్లో నిజం లేద‌ని తేల్చేసింది. ఇద్ద‌రు హీరోయిన్ల ని ఖ‌రారు చేశామ‌ని, అందులో ఒక‌రి పేరు త్వ‌ర‌లో ప్ర‌క‌టిస్తామ‌ని క్లారిటీ ఇచ్చింది. ఈ సినిమా కోసం `మోనార్క్` అనే టైటిల్ బాగా వినిపిస్తోంది. అయితే ఆ టైటిల్ కూడా కాద‌ని తేల్చేశారు ద‌ర్శ‌క నిర్మాత‌లు. ఈసినిమా కోసం రెండు పేర్లు అనుకుంటున్నామ‌ని, వాటిలో ఒక‌టి ఖ‌రారు చేసి త్వ‌ర‌లోనే ప్ర‌క‌టిస్తామ‌ని తెలిపింది.