బాలకృష్ణ నుంచి ఓ సినిమా వస్తోందంటే అభిమానులకు పండుగే. అందులోనూ బాలయ్య, బోయపాటి కాంబినేషన్ అంటే ఆ క్రేజ్ చెప్పన్నక్కర్లేదు. గతంలో వీరి కాంబినేషన్ లో వచ్చిన రెండు చిత్రాలూ బాక్సాఫీసు వద్ద భారీ హిట్స్ ను సొంతం చేసుకున్నాయి.

కాగా ‘బీబీ3’ వర్కింగ్ టైటిల్‌తో రూపొందుతున్న ఈ చిత్రానికి ఇప్పటికే పలు రకాల టైటిల్స్ తెరపైకి వచ్చాయి. తాజాగా ‘గాడ్ ఫాదర్’ అనే పేరును చిత్రబృందం ఖరారు చేసినట్లు తెలిసింది. త్వరలోనే దీనిపై అధికారిక ప్రకటన చేయనున్నారు. బాలయ్య సినిమా టైటిల్స్ అన్నీ పవర్ ఫుల్ గా వుంటాయి. ‘గాడ్ ఫాదర్’ టైటిల్ కూడా అంతే పవర్ ఫుల్ గా కుదిరింది. నిజానికి హాలీవుడ్ చిత్రాలలో ‘గాడ్ ఫాదర్’ టైటిల్ కి ఒక ప్రత్యేకమైన ఆకర్షణ వుంది. వరల్డ్ సినిమాని ప్రభావితం చేసిన జాబితాల్లో ‘గాడ్ ఫాదర్’ కూడా వుంది. ఇప్పుడు అదే టైటిల్ తో బాలయ్య టైటిల్ రావడం ఆసక్తికరంగా వుంది. తమన్ ఈ సినిమాకి సంగీతం అందిస్తున్నాడు.