నటసింహం బాలకృష్ణకి మరోపేరు కూడా ఉంది ఇండస్ట్రీ లో.. అదే భోలాశంకరుడు అని. ఎవరైనా ఆపదలో ఉన్నారు అంటే వెంటనే తనకు కుదిరినంతలో సహాయం చేసే మనస్తత్వం ఉన్నవాడు. 

నిన్న జై సింహ ఆడియో విడుదల సందర్భంగా జరిగిన సంఘటనే దీనికి సరైన ఉదాహరణ. వివిధ కారణాలతో స్వర్గస్థులైన తన 6గురు కార్యకర్తల కుటుంబాలకి తన వంతు సహాయంగా ఆర్ధిక సహాయం చేశాడు, ఆ 6గురిలో ఇద్దరు రోడ్డు ప్రమాదాల్లో చనిపోగా మిగిలిన నలుగురు అనారోగ్య కారణాలతో చనిపోయారు.

ఇక ఇదే వేదిక పైన మా అధ్యక్షుడు శివాజీ రాజా మాట్లాడుతూ- ఇండస్ట్రీలో ఒక నటుడు క్యాన్సర్ తో బాధపడుతున్న విషయం ఆయనకీ తెలియనప్పుడు వెంటనే ఆయన క్యాన్సర్ ఆసుపత్రికి తరలించి అతని ఆరోగ్యాన్ని మెరుగుపరచడంలో ఆయన సహాయం మరువలేనిది అని చెప్పాడు. 

దీనితో ఆయనకీ కోపం ఎక్కువ, అభిమానుల పైన చేయి చేసుకుంటాడు అన్న వాదనల నడుమ ఆయనలోని మరో కోణాన్ని ఈ సంఘటనలు చూపెడుతున్నాయి.