గాడ్ ఆఫ్ మాసెస్ నందమూరి నటసింహం బాలయ్య హ్యాట్రిక్ హిట్స్ తో, వరస సినిమాలతో బిజీగా ఉన్నాడు. తన వయసుకు తగ్గ పాత్రలు ఎంచుకుంటూ, యంగ్ స్టార్స్ కి మంచి కాంపిటీషన్ ఇస్తున్నారు బాలయ్య. బాలయ్యతో సినిమాలు చేయడానికి పలువురు యంగ్ డైరెక్టర్స్, సీనియర్ డైరక్టర్స్ కూడా లైన్లో ఉన్నారు.  గీతా ఆర్ట్స్ బోయపాటితో ఓ సినిమా చేయనున్నట్టు ప్రకటించడంతో, ఆ మూవీ అఖండ 2 అని అంతా అనుకున్నారు. కానీ అది ఒట్టి రూమర్ అని తేలింది.  “హనుమాన్” మూవీతో సక్సెస్ అయిన  డైరెక్టర్ ప్రశాంత్ వర్మతో బాలయ్య నెక్స్ట్ మూవీ అని రూమర్స్ వచ్చాయి.

కానీ ఇవేవి వర్కౌట్ కాలేదు. ప్రజంట్ బాలయ్య బాబీ కాంబోలో ఒక మూవీ తెరెకెక్కుతోంది.  ఈ మూవీ తరువాత శ్యామ్ సింగరాయ్ లాంటి మూవీ తీసిన రాహుల్ సాంకృత్యాయన్ తో బాలయ్య ఒక మూవీ కమిట్ అయినట్టు వార్తలు వస్తున్నాయి. నాని, సాయి పల్లవి జంటగా నటించిన పీరియాడిక్ సోషియో ఫాంటసీ ఫిలిం శ్యామ్ సింగ రాయ్ ఎంతటి ఆదరణ దక్కించుకుందో తెలిసిందే.  ఫిలింనగర్ సమాచారం ప్రకారం రీసెంట్ గా  రాహుల్, బాలయ్యను కలసి ఓ స్టోరీ లైన్ చెప్పారట. అది కూడా ఓ పిరియాడిక్ డ్రామా అని తెలుస్తోంది. స్టోరీ లైన్ నచ్చడంతో బాలయ్య పూర్తి స్క్రిప్ట్ రెడీ చేసి తీసుకు రమ్మని చెప్పారని, ప్రస్తుతం ఈ సినిమా చర్చల దశలో ఉందని తెలుస్తోంది. పూర్తి కథ విన్నాక బాలయ్య అఫీషియల్ గా అనౌన్స్  చేస్తారని సమాచారం.