బాలకృష్ణ ప్రస్తుతం పూరీ జగన్నాధ్‌ డైరెక్షన్‌లో సినిమాకి ఫిక్సయ్యారు. ఈ న్యూస్‌ ఇప్పుడు హాట్‌ టాపిక్‌ అయ్యింది. ఇదే క్రేజీ కాంబినేషన్‌ అంటే, మరో న్యూస్‌ తాజాగా హల్‌చల్‌ చేస్తోంది. ఈ సినిమా కోసం హీరోయిన్‌గా తమన్నా పేరు బాగా వినిపించింది. ఇదంతా గాసిప్పే అనుకున్నారంతా. అయితే ఇప్పుడు ఈ గాసిప్‌ దాదాపు ఖరారయ్యిందని సమాచారం. ఈ సినిమాలో ముగ్గురు హీరోయిన్లు ఉంటారనే టాక్‌ వినవస్తోంది. ఒక హీరోయిన్‌గా తమన్నాని ఇప్పటికే ఎంపిక చేశారట. అయితే అధికారిక ప్రకటన ఇంకా రావాల్సి ఉంది. మరో ఇద్దరు హీరోయిన్లు కూడా ప్రస్తుతం టాలీవుడ్‌లో సూపర్‌ పాపులర్‌ అయినవారే ఉంటారట. మార్చ్‌ 9న ఈ సినిమా ప్రారంభం కానుంది. అన్నీ పక్కాగా ప్లాన్‌ చేసుకున్న తర్వాతే పూరి ఈ ప్రాజెక్ట్‌ని అనౌన్స్‌ చేశాడు. పూరీ జగన్నాధ్‌ సినిమాల్లో హీరో చాలా రొమాంటిక్‌గా ఉంటాడు. మరి ఈ ఏజ్‌లో బాలకృష్ణని రొమాంటిక్‌గా చూపిస్తాడా పూరీ అనే ఆశక్తి నెలకొంది. అలాగే హీరోయిజం కూడా ఓవర్‌ డోస్‌లో ప్రజెంట్‌ చేసే డైరెక్టర్‌ పూరీ జగన్నాధ్‌. ఆ రకంగా బాలయ్య ను ఎంత పవర్‌ఫుల్‌ హీరోగా ఈ సినిమాలో ప్రెజెంట్‌ చేస్తాడో చూడాలి. 'టెంపర్‌' సినిమాతో ఎన్టీఆర్‌ బాడీలాంగ్వేజ్‌ మొత్తం ఛేంజ్‌ చేసేశాడు. అలాగే 'గౌతమీ పుత్ర శాతకర్ణి' సినిమా తర్వాత రాబోతున్న ఈ సినిమాలో బాలయ్య ఏ గెటప్‌లో కనిపిస్తాడా? అని నందమూరి అభిమానులు ఉత్కంఠగా ఎదురు చూస్తున్నారు.