కొత్త ద‌ర్శ‌కుల‌కు అవ‌కాశం ఇవ్వ‌డంలో నంద‌మూరి బాల‌కృష్ణ ఎప్పుడూ రెడీగా ఉంటారు. ఫ్లాప్‌ద‌ర్శ‌కుల్ని సైతం.. బాలయ్య ఆద‌రిస్తుంటారు. బాలయ్య ఎప్పుడు ఎవ‌రికి ఛాన్స్ ఇస్తారో చెప్ప‌డం క‌ష్ట‌మ‌ని ఆయ‌న అభిమానులు కూడా అంటుంటారు. వాళ్ల ఊహ‌ల‌కు, అంచ‌నాల‌కు అంద‌రి వ్య‌క్తి బాలయ్య. దానికి త‌గ్గ‌ట్టే.. ఓ షాకింగ్ నిర్ణ‌యం తీసుకున్నాడ‌ట. ఫ్లాపుల్లో ఉన్న ఓ ద‌ర్శ‌కుడికి అవ‌కాశం ఇచ్చాడ‌ట. ఆ ద‌ర్శ‌కుడు ఎవ‌రో కాదు.. శ్రీవాస్. బాల‌కృష్ణ‌తో ఇది వ‌ర‌కు `డిక్టేట‌ర్‌` తీశాడు శ్రీవాస్. ఆ సినిమా ఫ్లాప్ అయ్యింది.
ఇటీవ‌ల బెల్లంకొండ సాయి శ్రీ‌నివాస్ తో `సాక్ష్యం` తెర‌కెక్కించాడు. అది కూడా ఫ‌ట్టుమంది. అయితే గ‌త కొంత‌కాలంగా బాలయ్య కోసం ఓ క‌థ రెడీ చేసుకుని, ఆయ‌న చుట్టూ ప్ర‌దక్షిణాలు చేస్తున్నాడు శ్రీవాస్. ఇప్పుడు త‌న క‌థ‌నీ ఓకే చేసేశాడ‌ట. అయితే ఇది ఎప్పుడు తెర‌కెక్కుతుందో తెలీదు. ఎందుకంటే, గోపీచంద్ మ‌లినేనితో ఓ సినిమా చేస్తాన‌ని బాలయ్య ఫిక్స్ అయ్యాడు మైత్రీ మూవీస్ సంస్థ ఈచిత్రాన్ని తెర‌కెక్కిస్తుంది. ఆ త‌ర‌వాతే.. శ్రీవాస్ సినిమా ఉంటుంది.
