నాగార్జున ‘సోగ్గాడే చిన్ని నాయనా ‘ సినిమా హిట్. అందులో బంగార్రాజు పాత్ర సూపర్ హిట్. ఈ సినిమా మొత్తానికి నడిపించిన పాత్ర బంగార్రాజుది. అయితే ఇప్పుడా పాత్ర పేరుతోనే ‘సోగ్గాడే చిన్ని నాయనా’కు ప్రీక్వెల్‌గా సినిమాని తెరక్కించారు. ఇందులో నాగ చైతన్య కూడా వుండటం ఇంకా విశేషం. ఈ రోజు చైతు బర్త్ డే. ఈ సందర్భంగా చైతు టీజర్ ని వదిలారు. టీజర్ చాలా వినోదాత్మకంగా వుంది.
బంగార్రాజు ఫోటో చూపించడం , ఆయన వేసుకున్న ఆర్నమెంట్స్ చైతు వేసుకోవడం, స్టిక్ ని స్టయిల్ గా తిప్పుకుంటూ బుల్లెట్ పైకి విసరడం, తర్వాత బుల్లెట్ తీయడం .,. ఇదంతా నాగ్ పాత్రని గుర్తు చేసింది. ‘సోగ్గాడే చిన్ని నాయనా’కు ప్రీక్వెల్‌గా రూపొందుతోన్న చిత్రం కావడంతో ఈ సినిమా మంచి అంచనాలు ఉన్నాయి. అందుకు తగినట్లే పాత్రలని డిజైన్ చేసినట్లు టీజర్ చూస్తే అర్థమవుతోంది. మొత్తానికి అక్కినేని అభిమానులు కోరుకునే అన్ని హంగులతో టీజర్ ని వదిలారు. ఇందులో నాగ్ సరసన రమ్యకృష్ణ నటిస్తుండగా.. చైతూకి జోడీగా నాగలక్ష్మి అనే పాత్రలో కృతి శెట్టి కనిపించనుంది. ఈ చిత్రానికి అనూప్‌ రూబెన్స్‌ మ్యూజిక్.
