ఒకప్పట్టి హీరోయిన్లు ఇప్పుడు ముఖ్య పాత్రల్లో దర్శనమిస్తున్న ట్రెండ్ లో నటి భూమిక కూడా MCA చిత్రంతో అదే జాబితాలో చేరిపోయింది.

ఇక MCA చిత్రంలో ఆమె చేసిన వదిన పాత్ర అందరిని ఆకట్టుకోవడమే కాకుండా ఆ సినిమా విజయంలో కూడా ఒక కీలక పాత్ర పోషించింది అని అనుకోవచ్చు. ఇక భూమిక రీ-ఎంట్రీలో తనకి దక్కిన విజయాన్ని కొనసాగించే క్రమంలో మరోచిత్రంలో నటించడానికి పచ్చ జెండా ఊపేసింది. 

ఆ చిత్రం మరేదో కాదు, నాగ చైతన్య నటిస్తున్న సవ్యసాచి చిత్రం. ఈ చిత్రంలో నాగ చైతన్యకి అక్క పాత్రలో భూమిక మనకి కనపడనుందట. ఇప్పటికే ఈ చిత్రంలో ఒక కీలక పాత్రలో మాధవన్ నటిస్తుండగా ఇప్పుడు భూమిక కూడా ఎంటర్ అవ్వడంతో ఈ సినిమా రేంజ్ పెరిగిపోయింది అనే చెప్పాలి.

మొత్తానికి మొన్న వదినగా మెప్పించిన భూమిక రేపు అక్కగా పలకరించబోతున్నది.