బుల్లితెరపై 'బిగ్‌బాస్‌' ఈజ్‌ కమింగ్‌ సూన్‌. బుల్లితెర బిగ్‌ బాస్‌గా జూనియర్‌ ఎన్టీఆర్‌ తన సత్తా చాటబోతున్నారు. బాలీవుడ్‌లో సల్మాన్‌ ఖాన్‌ హోస్ట్‌గా నిర్వహించిన ఈ షో బాలీవుడ్‌లోనే కాకుండా, టాలీవుడ్‌లో కూడా ఓ ఊపు ఊపేసింది. ఆ షో ఇప్పుడు తెలుగు ప్రేక్షకుల్నీ అలరించనుంది. ఈ షోకి మెయిన్‌ హోస్ట్‌గా ఎన్టీఆర్‌ వ్యవహరిస్తున్న సంగతి తెలిసిందే. అయితే ఇదో బిగ్‌ షో. సో చాలా మంది సెలబ్రిటీస్‌ ఈ షోకి హోస్ట్‌లుగా వ్యవహరించాలి. అందు కోసం బిగ్‌బాస్‌ యూనిట్‌ పలువురు సెలబ్రిటీస్‌ని ఎంచుకుని ఓ లిస్టు తయారు చేశారట. వారంతా ఎవరనుకుంటున్నారా? ఇప్పటికే బుల్లితెరపై వివిధ ప్రోగ్రాంస్‌ ద్వారా బుల్లితెర ప్రేక్షకుల్ని ఆకట్టుకుంటున్న నటీ నటులే. తన మాటలతో గారడీ చేసి, దేనికైనా కుండ బద్దలు కొట్టినట్లు మాట్లాడే నటుడు, రచయిత అయిన పోసాని కృష్ణ మురళి ఈ షోకి ఎన్టీఆర్‌ తర్వాత లీడ్‌ రోల్‌ పోషించనున్నారట. 'ఢీ జోడీ' ప్రోగ్రాంలో హోస్ట్‌గా వ్యవహరిస్తున్న హీరోయిన్‌ సదా, అలనాటి గ్లామర్‌ డాళ్‌ రంభ, ట్రెడిషనల్‌ క్యారెక్టర్స్‌తో ఆకట్టుకున్న స్నేహ తదితరులు ఇంకా ఈ లిస్టులో ఉన్నారంటూ ప్రచారం జరుగుతోంది. అరటే ఈ షోకి గ్లామర్‌ చాలా ఎక్కువనే చెప్పాలి. ఇంతే కాదు ఈ లిస్టులో మరి కొంత మంది ముద్దుగుమ్మలు చేరనున్నారట కూడా. అయితే త్వరలోనే ఈ లిస్టుకు సంబంధించి మరిన్ని వివరాలు 'బిగ్‌బాస్‌' యూనిట్‌ రివీల్‌ చేయనుంది. ఇప్పటికే ఈ షో ప్రోమోస్‌ ట్రెండింగ్‌ అవుతున్నాయి. ఇక గ్లామర్‌ ఇన్‌ఫామేషన్‌ రివీల్‌ అయితే ఈ షోకి మరింత హైప్‌ క్రియేట్‌ కావడం పక్కా.
