ప్ర‌పంచాన్ని కుదిపేస్తోంది క‌రోనా. రోజుకో సెల‌బ్రెటీ క‌రోనా బారీన ప‌డుతున్నారు. తాజాగా హాస్య న‌టుడు, యాంక‌ర్‌.. బిత్తిరి స‌త్తి కూడా క‌రోనా బారీన ప‌డ్డారు. ప్ర‌స్తుతం ఆయ‌న హోం క్వారెంటైన్ లో ఉంటూ చికిత్స తీసుకుంటున్న‌ట్టు తెలుస్తోంది. ఇటీవ‌లే టీవీ 9 నుంచి సాక్షికి మారారు బిత్తిరి స‌త్తి. అక్క‌డ గ‌ర‌మ్ గ‌ర‌మ్ వార్తలు పేరుతో ఓ ఎపిసోడ్ నిర్వ‌హిస్తున్నారు. దానికి మంచి స్పంద‌న వ‌స్తోంది.
బిత్తిరి స‌త్తి.. హాస్య న‌టుడిగానూ బిజీనే. ప్ర‌స్తుతం ఆయ‌న చేతిలో అర‌డ‌జ‌ను సినిమాల వ‌ర‌కూ ఉన్నాయి. అటు టీవీ.. ఇటు సినిమాల‌తో రెండు ప‌డ‌వ‌ల ప్ర‌యాణం చేస్తున్న స‌త్తి... ఇప్పుడు క‌రోనా బారీన ప‌డ‌డం ఆందోళ‌న క‌లిగిస్తోంది. ఆయ‌న త్వ‌ర‌గా కోలుకోవాల‌ని ప్రేక్ష‌కులు కోరుకుంటున్నారు. గెట్ వెల్ సూన్‌.. స‌త్తీ..!
