ప్రముఖ తమిళ కమెడియన్ సంతానం పైన తమిళనాడులో పోలీసులు కేసు నమోదు చేశారు.
వివరాల్లోకి వెళితే, సంతానం కొంతకాలం క్రిందట ఒక కళ్యాణమండపం నిర్మించే పేరిట పెద్దమొత్తంలో డబ్బుని అందచేశాడు. అయితే కొన్ని అనివార్యకారణాల వల్ల ఆ కట్టడం ఆగిపోయింది. దీనితో తన డబ్బుని వెనక్కి ఇవ్వమని షణ్ముగసుందరం అనే వ్యక్తిని కోరాడు.
అయితే ఈ డబ్బు లావాదేవిల వద్ద ఏర్పడిన గొడవ కారణంగా ఇరువురి మధ్య ఘర్షణ జరగడం, ఆ ఘర్షణలో ఇరు వర్గాల మధ్య తోపులాట జరగడం వీరంతా గాయపడడం జరిగింది. ఈ గాయపడిన వారిలో స్థానిక బీజీపీ నాయకుడు ఒకరు ఉండడంతో ఈ అంశం తీవ్రంగా మారింది.
ఇక సదరు బీజీపీ నాయకుడు ఇచ్చిన ఫిర్యాదు మేరకు దాడి చేసిన ఆరోపణల తో సంతానం పైన పోలీసులు కేసు నమోదు చేశారు. అయితే సంతానం ప్రస్తుతం ఎవ్వరికీ అందుబాటులో లేడు అని తెలుస్తున్నది.
