నేను పుట్టాను, ఒక‌లైలా కోసం... ఇలా తాత‌య్య‌, నాన్న పాట‌ల్ని త‌న సినిమాల కోసం రీమిక్స్ చేసేశాడు నాగ‌చైత‌న్య‌. ఇప్పుడు త‌న ఖాతాలో మ‌రో పాట చేర‌బోతోంది. అల్ల‌రి అల్ల‌డు సినిమాలో పాట‌ల‌న్నీ హిట్టే. అందులో 'నిన్ను రోడ్డు మీది చూసీన‌ది ల‌గ్గాయెత్తు' అయితే సూప‌ర్ డూప‌ర్ హిట్ట‌య్యింది. ఆ పాట‌ని ఇప్పుడు చైతూ రీమిక్స్ చేస్తున్నాడు.

నాగ‌చైత‌న్య క‌థానాయ‌కుడిగా చందూ మొండేటి ద‌ర్శ‌క‌త్వంలో రూపొందుతున్న చిత్రం 'స‌వ్య‌సాచి'. ఇందులో 'నిన్ను రోడ్డూమీది' అనే పాట‌ని రీమిక్స్ చేస్తున్నారు. ఓ స్టార్ హీరోయిన్ ఈ పాట‌లో చైతూతో క‌ల‌సి ఆడిపాడ‌బోతోంది. ఆమె ఎవ‌ర‌న్న‌ది త్వ‌ర‌లో తెలుస్తుంది. నిధి అగ‌ర్వాల్ క‌థానాయిక‌గా న‌టిస్తున్న ఈ చిత్రంలో మాధ‌వ‌న్‌, భూమిక కీల‌క పాత్ర‌లు పోషిస్తున్నారు.