15 ఏళ్ల క్రితం సినీ ఇండస్ట్రీకి వచ్చిన ఛార్మిలో అప్పటి ఛార్మింగ్‌ కూసింతైనా పోలేదు. సినిమాలు చేయడం లేదు కానీ, ఆమెలో హీరోయిన్‌కి కావల్సిన క్వాలిటీస్‌ అన్నీ పుష్కలంగా ఉన్నాయి ఇప్పటికీ. పూరీ కనెక్ట్స్‌ పేరుతో పూరీ జగన్నాథ్‌తో కలిసి నిర్మాణం పనులు చూసుకుంటోంది. 

అయితే తాజాగా ఛార్మి విషయాలు ఇప్పుడెందుకొచ్చాయి అంటే, పూరీ జగన్నాధ్‌ దర్శకత్వంలో తెరకెక్కుతోన్న 'మెహబూబా' సినిమా త్వరలో విడుదలకు సిద్ధమైంది. ఈ సందర్భంగా సినిమా ప్రమోషన్‌ కార్యక్రమాలు వేగవంతం చేశారు. మే 11న ఈ సినిమా ప్రేక్షకుల ముందుకు రానుంది. ఈ సందర్భంగా ఆల్రెడీ స్టార్ట్‌ చేసిన ప్రమోషన్స్‌లో ఛార్మి, హీరో, హీరోయిన్‌తో కలిసి ప్రమోషన్స్‌లో పాల్గొంటోంది. ఆ ప్రమోషన్‌ కార్యక్రమాల్లో హీరోయిన్‌ని ఛార్మి అందం డామినేట్‌ చేసేస్తోంది. 

అప్పుడెప్పుడో 'నీ తోడు కావాలి' సినిమాతో తెలుగు తెరకు పరిచయమైన ఫ్రెష్‌ ఫేస్‌ ఛార్మి. అప్పటికీ ఇప్పటికీ ఆమెలోని అందం పదింతలైందే తప్ప తగ్గలేదు. 'మెహబూబా' సినిమాలో హీరోయిన్‌గా నటిస్తున్న నేహాశెట్టి ఈ సినిమాతోనే పరిచయం అవుతోంది. ఇండస్ట్రీకి కొత్త. అలాంటి ఫ్రెష్‌ అమ్మాయి ముందు ఛార్మి గ్లామర్‌ కెవ్వు కేక పుట్టిస్తోంది. తన వైపు నుండి చూపు కనీసం పక్కనే ఉన్న హీరోయిన్‌ మీదకి కూడా పోనీయకుండా చేస్తోంది. పూరీ తనయుడు ఆకాష్‌ పూరీ ఈ చిత్రంలో హీరోగా నటిస్తున్న సంగతి తెలిసిందే.