మెగాస్టార్‌ చిరంజీవి హోస్ట్‌గా వ్యవహరిస్తోన్న బుల్లితెర సెన్సేషనల్‌ ప్రోగ్రాం 'మీలో ఎవరు కోటీశ్వరుడు' చాలా హుషారుగా నడుస్తోంది. అక్కినేని నాగార్జున ఈ షోను ప్రారంభించారు. నాగార్జున ఉన్నప్పుడు పలువురు సెలబ్రిటీస్‌ ఈ ఫోకు విచ్చేసి షోకు గ్లామర్‌ అద్దారు. అయితే ఈ సీజన్‌లో సెలబ్రిటీస్‌ ఎపిసోడ్స్‌ మరింతగా మెగా గ్లామర్‌ని అద్దుతున్నాయి. సెలబ్రిటీస్‌తో ఈ షో చాలా సందడిగా సాగుతోంది. ఇంతవరకూ చిరుతో కలిసి నటించిన పలువురు ముద్దుగుమ్మలు హాట్‌ సీట్‌లో కూర్చొని చిరంజీవి అడిగిన ప్రశ్నలకు సమాధానం చెప్పడమే కాకుండా ఆయనతో సినిమాల పరంగా ఉన్న తమ అనుభవాల్ని కూడా అభిమానులతో షేర్‌ చేసుకున్నారు. దాంతో సెలబ్రిటీస్‌ సీజన్‌ చాలా సరదా సరదాగా సాగిపోతోంది. ఆడియన్స్‌లో ఈ షో పట్ల ఇంట్రెస్ట్‌ రెట్టింపవుతోంది. ఇప్పటికే షో స్టార్ట్‌ చేసిన నాగార్జున కూడా గెస్ట్‌గా వచ్చి వెళ్లారు. ఇప్పుడు అక్కినేని అందగాడు అఖిల్‌ వంతు వచ్చినట్లుంది. అఖిల్‌ సోషల్‌ మీడియాలో చిరంజీవితో సెల్ఫీ దిగుతున్న ఫోటోని పోస్ట్‌ చేసి తన అనుభవాన్ని ఫ్యాన్స్‌తో పంచుకున్నాడు. అంటే అఖిల్‌ త్వరలోనే ఈ షోకి గెస్ట్‌గా రావచ్చని ఈ ఫోటో ద్వారా స్పష్టమవుతోంది. అఖిల్‌ ప్రస్తుతం తన రెండో సినిమా విక్రమ్‌ కె.కుమార్‌ డైరెక్షన్‌లో చేయనున్నాడు. మరో పక్క చిరు 151వ చిత్రం 'ఉయ్యాలవాడ నర్సింహారెడ్డి' చిత్రం కోసం మేకోవర్‌ అవుతున్నాడు.