చిరంజీవి - బాబి కాంబినేష‌న్‌లో ఓ చిత్రం రూపుదిద్దుకుంటోంది. దీనికి `వాల్తేరు వీర‌య్య‌` అనే టైటిల్ ప‌రిశీలిస్తున్నారు. అయితే ఇప్పుడు ఓ షాకింగ్ న్యూస్ అందింది. ఈ సినిమా నుంచి బాబి ప‌క్క‌కు వెళ్లిపోతున్నాడ‌ని టాక్‌. చిరంజీవిని సెట్లో బాబి హ్యాండిల్ చేయ‌లేక‌పోతున్నాడ‌ని, సెట్లో మ‌రో టేక్ అడ‌గ‌డానికి కూడా మొహ‌మాట‌ప‌డుతున్నాడ‌ని వార్త‌లొచ్చాయి. బాబిని ట్రాక్‌లోకి తీసుకురావ‌డ‌డానికి చిరు ప్ర‌య‌త్నించాడ‌ని, అయితే ఈ విష‌యంలో బాబి ఇంకా సర్దుకోలేద‌ని, సినిమా అంతా ఇలానే అయితే.. అవుట్ పుట్ పై ప్ర‌భావం ప‌డుతుంద‌ని చిరు భ‌య‌ప‌డుతున్నాడ‌ని, అందుకే బాబి ప్లేసులో మ‌రో ద‌ర్శ‌కుడ్ని తీసుకురావ‌డానికి ప్ర‌య‌త్నాలు మొద‌ల‌య్యాయ‌ని, ఈ విష‌యం చాలా స్మూత్ గా హ్యాండిల్ చేయాల‌నుకుంటున్నార‌ని, అందుకే బాబిని కూర్చోబెట్టి చిరు న‌చ్చ‌జెప్పే ప్ర‌య‌త్నాలు జ‌రుగుతున్నాయ‌ని టాక్ వినిపిస్తోంది. 99 శాతం బాబి సినిమా నుంచి బ‌య‌ట‌కు వెళ్లిపోవ‌చ్చు. చిరు మ‌న‌సు మార్చుకుని, బాబి మైండ్ సెట్ నీ, మెంటాలిటీనీ అర్థం చేసుకుంటే త‌ప్ప వ్య‌వ‌హారం చ‌క్క‌బ‌డ‌దు. కాక‌పోతే ఆ అవ‌కాశం 1 శాత‌మే ఉంది. అయితే బాబి ప్లేసులో ద‌ర్శ‌కుడు ఎవ‌రొస్తార‌న్న‌దీ డౌటే. ఎందుకంటే.. ద‌ర్శ‌కులంతా బిజీనే. చిరుకి అత్యంత స‌న్నిహితుడైన వినాయ‌క్ కూడా హిందీ ఛ‌త్ర‌ప‌తితో బిజీగా ఉన్నాడు. బాబిని ప‌క్క‌న పెడితే స‌రిపోదు. ఆ స్థానాన్ని మ‌రొక‌రితో భ‌ర్తీ చేయాలి. అదే పెద్ద స‌మ‌స్య‌.