అభిమానులకు సెలబ్రిటీస్‌ మీద ఆభిమానంతో వారి పేర్ల మీద రకరకాల షాపులు ఓపెన్‌ చేయడం, రకరకాల అట్రాక్టివ్‌ ఫుడ్‌ ఐటెమ్స్‌ తయారు చేయడం సర్వ సాధారణ విషయమే. కస్టమర్స్‌ని అట్రాక్ట్‌ చేయడానికి ఇదో రకం ప్లాన్‌ అనుకోవాలి. లేదంటే సదరు హీరో, లేదా హీరోయిన్‌ మీద ఉండే అపారమైన అభిమానమైనా అనుకోవాలి. 

అలాంటిదే కానీ.. అయితే ఇక్కడ చిన్న ఛేంజ్‌. తాజాగా హైద్రాబాద్‌లో ఓ కాఫీ షాప్‌ ఓపెన్‌ కాబోతోంది. అది మెగాస్టార్‌ చిరంజీవి పేరుతో ఓపెన్‌ అవబోతోంది. ఇంతకీ ఈ కాఫీ షాప్‌ని ఓపెన్‌ చేస్తోంది ఎవరనుకుంటున్నారా? అక్షరాలా మెగాస్టార్‌ చిరంజీవి ముద్దుల కోడలు ఉపాసన. అపోలో ఫౌండేషన్‌ తరపున మెగా కోడలు ఉపాసన ఈ కాఫీ షాప్‌ని ప్రారంభించనున్నారు. ఇందులో స్పెషల్‌ ఏంటనుకుంటున్నారా? 'చిరు' ఫిల్టర్‌ కాఫీ. జూబ్లీహిల్స్‌లోని అపోలో ఎఫ్‌ఎన్‌డీ ధియేటర్‌ వద్ద ఈ కాఫీ షాప్‌ ప్రారంభం కానుంది. 

ఈ కాఫీ షాప్‌లో చిరంజీవి పేరుతో ఉన్న ఫిల్టర్‌ కాఫీ ఇప్పుడు సెన్సేషన్‌ అయ్యింది. ఈ విషయాన్ని ఉపాసన తన ట్విట్టర్‌ ద్వారా తెలుపుతూ, 'హే.. ఈ కేఫ్‌కి వచ్చి రిలాక్స్‌ అవ్వండి' అంటూ పోస్ట్‌ చేసి, వివరాలు ట్వీట్‌ చేశారు. ఈ కాఫీ షాప్‌లో 'చిరు ఫిల్టర్‌ కాఫీ'తో పాటుగా హైద్రాబాద్‌ కేసర్‌ టీ, లుఖ్మీ చికెన్‌, మిర్చి బజ్జీ తదితర ఐటెమ్స్‌ ఉన్నాయి. మీకీ సంగతి తెలుసా? ఈ కేఫ్‌లోని ఈ ఐటెమ్స్‌ అన్నీ చాలా తక్కువ ధరలకే అందుబాటులో ఉన్నాయి. సో ఇంకెందుకాలస్యం వెంటనే వెళ్లి 'చిరు ఫిల్టర్‌ కాఫీ'తో పాటు ఓ సమోసా, మిర్చి బజ్జీ కూడా లాగించేయండి.