చిరంజీవికీ, ఆ స్కూల్‌కీ ఏ సంబంధం లేదు!

మరిన్ని వార్తలు

వెండితెరపై మెగాస్టార్‌గా వెలుగు వెలుగుతోన్న చిరంజీవి రాజకీయ రంగంలోనూ సత్తా చాటారు. ఇక ఇప్పుడు విద్యారంగంలో కూడా అడుగు పెట్టారంటూ, శ్రీకాకుళంలో ఇంటర్నేషనల్‌ స్కూల్‌ పేరిట ఓ విద్యాసంస్థను స్థాపించారనే ప్రచారం జరుగుతోంది. అయితే, ఇదంతా ఉత్తి ప్రచారమేననీ, ఇందులో చిరంజీవికి కానీ, ఆయన ఫ్యామిలీకి కానీ ఎలాంటి సంబంధం లేదనీ ఆ స్కూల్‌ సీఈఓ తాజాగా స్పష్టం చేశారు. మెగా కుటుంబానికి ప్రత్యేక అభిమానులమైన మేము ఈ స్కూల్‌ని స్థాపించాం.

 

ఆయన పేరుతో ప్రజలకు సేవ చేయాలనే ఆలోచనతో ఈ స్కూల్‌ని స్థాపించాం. కానీ ఈ స్కూల్‌తో ప్రత్యక్షంగా చిరంజీవి ఫ్యామిలీకి సంబంధం లేదు. అయితే, ఆయనపై ఉన్న అభిమానానికి గుర్తుగా, ఈ స్కూల్‌ గౌరవ వ్యవస్థాపకులుగా చిరంజీవి పేరునూ, గౌరవ అధ్యక్షునిగా రామ్‌చరణ్‌ పేరునూ, గౌరవ ఛైర్మన్‌గా నాగబాబు పేరునూ కోరుకుంటున్నామనీ, అంతే తప్ప వారికీ, ఈ స్కూల్‌కీ ఎలాంటి సంబంధం లేదనీ సీఈఓ జె. శ్రీనివాసరావు ఓ ప్రకటన ద్వారా స్పష్టం చేశారు.

 

గత కొన్ని రోజులుగా ఈ స్కూల్‌ విషయమై జోరుగా ప్రచారం జరుగుతోంది. అయితే, మెగా ఫ్యామిలీ నుండి ఎవ్వరూ దీనిపై స్పందించలేదు. తాజాగా స్కూల్‌ సీఈఓ స్పందనపై అందరికీ ఓ క్లారిటీ వచ్చింది. ప్రస్తుతం చిరంజీవి 151వ సినిమా 'సైరా'తో బిజీగా ఉన్నారు. దసరాకి ఈ సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. రామ్‌చరణ్‌ నిర్మాణంలో రూపొందుతోన్న ఈ సినిమాకి సురేందర్‌ రెడ్డి దర్శకుడు. నయనతార హీరోయిన్‌గా నటిస్తోంది. తమన్నా, నిహారిక కీలక పాత్రలు పోషిస్తుండగా, అమితాబ్‌బచ్చన్‌, సుదీప్‌, విజయ్‌సేతుపతి, జగపతిబాబు తదితరులు ఇతర కీలక పాత్రలు పోషిస్తున్నారు.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS