అంజనా ప్రొడక్షన్స్‌ బేనర్‌లో మెగాస్టార్‌ సినిమా?

By Inkmantra - October 29, 2020 - 16:00 PM IST

మరిన్ని వార్తలు

మెగాస్టార్‌ చిరంజీవి సొంత బ్యానర్‌ అంజనా ప్రొడక్షన్స్‌ వ్యవహారాల్ని నాగబాబు చూస్తుంటారన్నది అందరికీ తెలిసిన విషయమే. అయితే, గత కొంతకాలంగా అంజనా ప్రొడక్షన్స్‌ నిర్మాణ వ్యవహారాల్లో వెనకబడిపోయింది. అయితే, ఇప్పుడు మళ్ళీ ఆ బ్యానర్‌లో మెగా ఉత్సాహం నింపేందుకు తెరవెనుక ప్రయత్నాలు జోరుగా సాగుతున్నాయని సమాచారం. త్వరలోనే చిరంజీవి హీరోగా అంజనా ప్రొడక్షన్‌ బ్యానర్‌లో ఓ సినిమా నిర్మితం కానుందట.

 

అయితే, అంజనా ప్రొడక్షన్‌కి తోడుగా మరో బ్యానర్‌ ఈ సినిమా నిర్మాణంలో పాలు పంచుకుంటుందనీ, ఆ బ్యానర్‌ ఇంకోటేదో కాదు కొణిదెల ప్రొడక్షన్స్‌ కంపెనీ అనీ ప్రచారం జరుగుతోంది. నిజానికి మెగా బ్రదర్‌ నాగబాబు పుట్టినరోజైన నేడే ఈ విషయమై ఓ ప్రకటన రాబోతోందన్న గుసగుసలు వినిపించాయి. అయితే, కొన్ని కారణాలతో అది వాయిదా పడిందట. ఇదిలా వుంటే, అంజనా ప్రొడక్షన్స్‌ వ్యవహారాలు ఇకపై నాగబాబు కుమార్తె నిహారిక చూసుకోనుందనేది అత్యంత విశ్వసనీయ వర్గాల నుంచి అందులోన్న సమాచారం. ఈ విషయమై మెగా బ్రదన్‌ నాగబాబు స్పందన కోసం మెగాభిమానులు ఎదురుచూస్తున్నారు. ఒకప్పుడు ఇదే అంజనా ప్రొడక్షన్స్‌ బ్యానర్‌లో పలు విజయవంతమైన సినిమాలొచ్చాయి. ‘ఆరెంజ్‌’ సినిమా వివాదానికి సంబంధించి తరచూ అంజనా ప్రొడక్షన్స్‌ పేరు వార్తల్లోకెక్కుతున్న విషయం విదితమే.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS