మగధీర చిత్రం తెలుగు చలనచిత్ర పరిశ్రమలో ఒక గొప్ప చిత్రంగా నిలిచిపోయింది అన్నది నిర్వివాదాంశం.
నిన్న జరిగిన శ్రీవల్లి ప్రీ-రిలీజ్ ఈవెంట్ లో రామ్ చరణ్ ముఖ్య అతిధిగా పాల్గొన్న సందర్భంగా రచయత-దర్శకుడు అయిన విజయేంద్రప్రసాద్ కి ఒక ఆసక్తికరమైన ప్రశ్నఎదురైంది. అదేంటంటే- మగధీర 2 చిత్రం తీయవలసి వస్తే, చిరంజీవి, చరణ్ లలో ఎవరిని తీసుకుంటారు అన్న ప్రశ్నకి- ఇద్దరినీ తీసుకుంటే తప్పేంటి అని చెప్పడంతో ఒక్కసారిగా అందరు హర్షం వ్యక్తంచేశారు.
ఇక ఈ సమాధానంతో మగధీర 2 కాని చిరంజీవి-రాజమౌళి కలయికలో ఒక చిత్రం రూపొందనుంది అనే వార్తలు ఇప్పుడు ఫిలింనగర్ లో చక్కర్లు కొడుతున్నాయి.
