కొరటాల శివ దర్శకత్వం లో మెగా స్టార్ చిరంజీవి ప్రతిష్టాత్మక చిత్రం 'ఆచార్య' షూటింగ్ ప్రస్తుతం ఖమ్మం జిల్లా ఇల్లందులో జరుగుతుంది. ఈ చిత్రం లో ప్రత్యేక పాత్ర లో రామ్ చరణ్ కూడా కనిపించనున్నాడు. మెగా స్టార్ తో పాటు రామ్ చరణ్ కూడా ఈ షెడ్యూల్ లో గత కొన్నిరోజులు పాల్గొన్నాడు. అయితే ప్రస్తుతం మెగా స్టార్ ఈ చిత్రం షూటింగ్ నుండి విరామం తీసుకున్నట్టు సమాచారం.
ఆరు పదులకు పైనున్న మెగాస్టార్ ఎడతెరపి లేకుండా షూటింగులు మరియు యువ హీరోలను ప్రోత్సహించే పనుల్లో బిజీగా ఉండడం.. అలాగే తీవ్ర వేడి ప్రభావం వల్ల శరీరం డి హైడ్రేట్ అయిందని, వైద్యుల పర్యవేక్షణ అవసరం అని షూటింగ్ నుండి తాత్కాలికంగా విరామం తీసుకున్నట్టు విశ్వసనీయ సమాచారం. దీని పై చిత్ర యూనిట్ నుండి అధికారిక ప్రకటన ఇంకా రావాల్సి ఉంది.
