మెగాస్టార్ చిరంజీవి వరుస సినిమాలతో బిజీగా వున్నారు. చకచక కొత్త సినిమాలని లైన్ లో పెడుతున్నారు. 'ఆచార్య' షూటింగ్ దాదాపు పూర్తయింది. దీని తర్వాత గాడ్ ఫాదర్, భోళా శంకర్, బాబీ దర్శకత్వంలో ఓ సినిమా, వెంకీ కుడుములతో మరో సినిమా లైన్ లో వున్నాయి. ఇందులో వెంకీ కుడుముల స్క్రిప్ట్ ని తాజాగా లాక్ చేశారు చిరు. ఇందులో మెగాస్టార్ మాఫియా డాన్ గా కనిపిస్తారని, పూర్తి కమర్షియల్ హంగులతో సినిమా వుంటుందని తెలిసింది.
వెంకీ చేసిన కథ, స్క్రీన్ ప్లే ట్రీట్మెంట్ చిరంజీవికి చాలా నచ్చింది. స్క్రిప్ట్ విషయంలో ఆయన పూర్తి సంతృప్తిగా వున్నారని తెలిసింది. డివీవీ దానయ్య ఈ సినిమాని నిర్మిస్తునారు. ప్రస్తుతం టెక్నిషియన్ల ఎంపిక జరుగుతుంది. ఛలో, భీష్మ లాంటి యూత్ ఫుల్ సినిమాలతో ఆకట్టుకున్నాడు వెంకీ. మూడో సినిమాకే మెగాస్టార్ అవకాశం అందుకున్నాడు. ఒక పెద్ద కమర్షియల్ హిట్ మెగాస్టార్ తో ఛాన్స్ అందుకున్న దర్శకులు చాలా అరుదు. దీంతో సహజంగానే ఈ కాంబినేషన్ పై ఆసక్తి పెరిగింది. 2023 ద్వీతియార్ధంలో ఈ సినిమాని ప్రేక్షకుల ముందుకు వచ్చే అవకాశం వుంది.
