సైరా త‌ర‌వాత మ‌రోసారి చిరంజీవి కెమెరా ముందుకు వ‌స్తున్నాడు. త‌న 152వ సినిమా కోసం. కొర‌టాల శివ ద‌ర్శ‌కత్వం వ‌హిస్తున్న చిత్ర‌మిది. రామ్ చ‌ర‌ణ్‌తో కలిసి మాట్నీ ఎంట‌ర్‌టైన్‌మెంట్స్ సంస్థ ఈ చిత్రాన్ని నిర్మిస్తోంది. త్రిష క‌థానాయిక‌గా న‌టిస్తోంది. ఈ రోజు నుంచి హైద‌రాబాద్‌లో షూటింగ్ ప్రారంభం కానుంది. నైట్ ఎఫెక్ట్‌లో కొన్ని స‌న్నివేశాల్ని తెర‌కెక్కించ‌నున్నార‌ని స‌మాచారం. చిరు - త్రిష‌ల‌పై ఓ పాట‌ని తెర‌కెక్కిస్తార‌ని చెప్పుకుంటున్నారు.

Megastar is back in action! #Chiru152 shoot begins today...#MegastarChiranjeevi @sivakoratala #RamCharan @KonidelaPro @MatineeEnt @DOP_Tirru @sreekar_prasad @sureshsrajan pic.twitter.com/K8UBV1p9gP

— iQlik Movies (@iqlikmovies) January 2, 2020

ఆగస్టు 14న ఈ చిత్రాన్ని విడుద‌ల చేస్తార‌ని ప్ర‌చారం జ‌రుగుతోంది. అయితే చిత్ర‌బృందం రిలీజ్ డేట్ ని ప్ర‌క‌టించ‌లేదు. రిలీజ్ డేట్ విష‌యంలో అప్పుడే తొంద‌ర‌ప‌డి ఓ ప్ర‌క‌ట‌న చేయ‌డం కెరెక్ట్ కాద‌ని, దాని కోసం కొంత స‌మ‌యం తీసుకుందామ‌ని చూస్తున్నారు. ఏదైనా స‌రే ఈ యేడాదే చిరు 152వ సినిమా విడుద‌ల కానుంది. మ‌ణిశ‌ర్మ ఈ చిత్రానికి సంగీతం అందిస్తున్న సంగ‌తి తెలిసిందే.