ప్రభాస్ - నాగ్ అశ్విన్ కాంబినేషన్లో తెరకెక్కనున్న భారీ ప్రాజెక్టుకు సంబంధించిన కీలకమైన ప్రకటన వచ్చింది. ఈ సినిమాలో ప్రభాస్ కి జోడీగా బాలీవుడ్ స్టార్ హీరోయిన్ దీపిక పదుకొనెను ఎంచుకున్నామని ఫిలిం మేకర్స్ ప్రకటించారు. బాలీవుడ్లో ప్రస్తుతం అత్యధిక పారితోషికం అందుకుంటున్న హీరోయిన్ దీపిక అనే టాక్ ఉంది. దీంతో ఒక్కసారిగాా #ప్రభాస్ 21 సినిమాకు భారీ క్రేజ్ దక్కింది. సోషల్ మీడియాలో ఈ సినిమా ఒక్కసారిగా ట్రెండింగ్ టాపిక్ అయింది.

ఇదిలా ఉంటే ఈ సినిమాను ప్రభాస్ 21 అని పిలవడం పై దీపికా కాస్త అప్ సెట్ అయినట్టుగా ఉంది. ఎందుకంటే ప్రముఖ హాలీవుడ్ ఎంటర్టైన్మెంట్ మ్యాగజైన్ వెరైటీ వారు ప్రభాస్ 21 సినిమా గురించి ట్వీట్ చేశారు. ఇండియాలో ఇద్దరు సూపర్ స్టార్లు ప్రభాస్, దీపిక కలిసి ఇంకా టైటిల్ ఖరారు చెయ్యని చిత్రంలో నటిస్తున్నారని వెల్లడించారు. దీనికి స్పందించిన దీపిక తమ సినిమా విషయం రిపోర్ట్ చేసినందుకు కృతజ్ఞతలు చెబుతూ దాంతో పాటు ఈ సినిమా ప్రభాస్ కెరీర్లో 21వ చిత్రం అని, ఈ సినిమా పేరు ప్రభాస్ 21 కాదని గుర్తించాలని కోరింది. నిజానికి వెరైటీ వారు ఈ సినిమా టైటిల్ ప్రభాస్ 21 అని ఎక్కడా చెప్పలేదు.

Hey @Variety ...

Thank you for reporting.However,

a)The film is not titled #Prabhas21.It only happens to be Prabhas’s 21st film.

b)It is a trilingual film:Hindi,Tamil & Telugu

Kindly make note.

Thank You... https://t.co/WCYmPAzLBx

— Deepika Padukone (@deepikapadukone) July 19, 2020

ఇంకా పేరు పెట్టని సినిమాలకు హీరో పేరుకు నంబర్ తగిలించి టైటిల్ లాగా చెలామణి చేయడం సాధారణం. మరి దీనికి ఇంత ఉడుక్కోవడం ఎందుకో దీపికకే తెలియాలి. ఒక హాలీవుడ్ మ్యాగజైన్ తనతో సమానంగా ప్రభాస్ కు ప్రాముఖ్యత ఇవ్వడం కాస్త ఇబ్బందిగా అనిపించింది ఏమో మరి. ఎందుకంటే దీపిక గతంలో ఓ హాలీవుడ్ చిత్రంలో నటించింది. అయితే అటు బాలీవుడ్లో కానీ ఇటు హాలీవుడ్లో కానీ సహజంగా హీరోలకు ప్రాధాన్యత ఎక్కువే ఉంటుంది ఆ సంగతి దీపికాకు తెలియనిది కాదు. అలాంటప్పుడు అప్సెట్ కావడం ఎందుకో!