చిత్రసీమలో మల్టీ టాలెంటెడ్ గా పేరు తెచ్చుకున్న ధనుష్ మరోసారి తన టాలెంట్స్ లో ఒకదానిని బయటపెట్టాడు.
అదేంటంటే తనలోని పాటగాడికి మరోసారి బయటకి తెచ్చాడు. అయితే ఈ సారి తన సినిమాకి కాదు, విశాల్ హీరోగా తెరకెక్కుతున్న ‘సండకోళి-2’ చిత్రంలో ఒక పాటని ఆలపించాడు. ఈ చిత్రంలో ఒక పాట కోసం ధనుష్ గొంతు అయితే బాగుంటుంది అని హీరో విశాల్ సంగీత దర్శకుడు యువన్ శంకర్ రాజా నిర్ణయించుకొని ఆయనని సంప్రదించారు.
వారు అడిగిన వెంటనే ధనుష్ ఆ పాట పాడటానికి సిద్ధమైపోయాడు. ఇక ఈ పాట రికార్డింగ్ కూడా జరిగిపోయింది అని సమాచారం.
మొత్తానికి ధనుష్ ఇతర హీరోల సినిమాలకి కూడా పాటలు పాడుతుండడం అభినందించదగ్గ విషయం.
