దిల్ రాజు- తెలుగు చలనచిత్ర పరిశ్రమలో అత్యధిక సక్సెస్ రేట్ ఉన్న నిర్మాతగా పేరు గడించాడు. ఆయన ఏ సినిమా నిర్మించినా అది తప్పక హిట్ అయి తీరుతుంది అన్న అభిప్రాయం అందరిలోనూ నెలకొని ఉంది.

ఇక ఇప్పటికే ఈ సంవత్సరం వరుసగా 6 సినిమాలు హిట్ అవ్వడంతో మంచి జోష్ లో ఉన్నాడు దిల్ రాజు. ఇక ఇదే తరుణంలో ఆయనకి నచ్చిన సినిమాని రిలీజ్ కి ముందే ఫాన్సీ డీల్ కి సదరు సినిమాని దక్కించుకుంటాడు. ఇందులో భాగంగానే నాని నటిస్తున్న కృష్ణార్జున యుద్ధం, వరుణ్ తేజ్ తొలిప్రేమ చిత్రాల ధియేట్రికల్ రైట్స్ ని దక్కించుకోవడం ఇప్పుడు ఇండస్ట్రీలో చర్చనీయంశంగా మారింది.

దిల్ రాజు లాంటి మంచి పట్టు ఉన్న వ్యక్తి ఈ సినిమాలని కొనుగోలు చేయడంతో ఈ రెండు చిత్రాల పైన భారీ అంచనాలు పెరిగిపోయాయి.

మొత్తానికి రిలీజ్ కి ముందే ఈ చిత్రాలని తన ఖాతాలో వేసుకొని వాటి జాతకాలే మార్చేశాడు దిల్ రాజు.