యంగ్ హీరో రామ్ పోతినేని నటిస్తున్న తాజా చిత్రం ’రెడ్‘ నుండి సాంగ్ టీజర్ రిలీజ్ చేశారు. ఈ రోజు రామ్ పుట్టినరోజు కావడంతో, ఈ తాజా వీడియో సాంగ్ రిలీజ్ చేసి, చిత్ర యూనిట్ రామ్ కి స్పెషల్ గా బర్త్ డే విషెస్ తెలిపింది. ఇదో స్పెషల్ సాంగ్. రామ్ తో కలిసి హాట్ బ్యూటీ హెబ్బా పటేల్ ఈ సాంగ్ లో చిందేసింది. ’డించక్.. డించక్..‘ అంటూ సాగే ఈ సాంగ్ లో స్టెప్పులు అంతంత మాత్రంగా కుదిరాయంటూ కొంత మేర విమర్శలు వినిపిస్తున్నాయి. డాన్సుల్లో దిట్ట అయిన రామ్ నుండి ఇంకాస్త ఎక్కువగా డాన్సులు ఎక్స్ పెక్ట్ చేస్తున్నారు అభిమానులు.
అయితే, ఇది జస్ట్ టీజర్ మాత్రమే. ఒకవేళ ఫుల్ సాంగ్ లో రామ్ స్టెప్పులు ఇరగదీసేసి ఉండొచ్చు. సూపర్ హిట్ మూవీ ’ఇస్మార్ట్ శంకర్‘ తర్వాత రామ్ నుండి వస్తున్న సినిమా కావడంతో ఈ సినిమాపై భారీ అంచనాలున్నాయి. అలాగే, బెస్ట్ కాంబినేషన్ అయిన రామ్, కిషోర్ తిరుమల కాంబినేషన్లో తెరకెక్కుతోన్న మూడో సినిమా కూడా. సో ఈ ఇద్దరి కాంబో ఖచ్చితంగా ఏదో మ్యాజిక్ చేయబోతోందని అంచనా వేస్తున్నారు. రామ్ సరసన ‘నేల టికెట్’ ఫేమ్ మాళవికా శర్మ హీరోయిన్గా నటిస్తుండగా, మరో ముద్దుగుమ్మ నివేదా పేతురాజ్ కీలక పాత్ర పోషిస్తోంది.
