మాస్ మహారాజ రవితేజ ప్రస్తుతం విఐ ఆనంద్ దర్శకత్వంలో 'డిస్కో రాజా' అనే చిత్రం చేస్తున్న సంగతి తెలిసిందే. ఈ సినిమా పై రవితేజ బోలెడు ఆశలు పెట్టుకున్నారు. అయన అభిమానులు సైతం ఈ చిత్రం ద్వారా తమ హీరో పూర్వపు ఫామ్ లోకి వస్తే బాగుంటుందని ఆశిస్తున్నారు. విడుదల తేదీ దగ్గర పడుతుండటంతో చిత్ర టీమ్ ఈ సినిమా టీజర్ ను సిద్దం చేశారు. డిసెంబర్ 6వ తేదీన ఈ టీజర్ ను గ్రాండ్ గా విడుదల చేయనున్నారు.
ఇక ఈ సినిమా నుండి వస్తున్న ఫస్ట్ ఔట్ పుట్ కావడంతో.. ఈ టీజర్ అన్ని విధాలా ఆకట్టుకునేలా అన్ని జాగ్రత్తలు తీసుకుంటున్నారు. అయితే ఈ టీజర్ కి వచ్చే ఆదరణను బట్టే.. బాక్సాఫీస్ వద్ద 'డిస్కో రాజా' భవిష్యత్తు ఆధారపడిఉంది. ఇక ఈ సినిమాని మొదట డిసెంబర్ 20న రిలీజ్ చేయాలనుకున్నారు. అయితే ఆ తరువాత తమ సినిమా 2020 జనవరి 24న ప్రపంచవ్యాప్తంగా గ్రాండ్ గా రిలీజ్ కానుందని 'డిస్కో రాజా' రిలీజ్ డేట్ ను మార్చేసింది టీం.
ఈ సినిమా ఒక సైన్స్ ఫిక్షన్ మూవీ అని తెలుస్తోంది. ఎస్ ఆర్ టి ఎంటర్టైన్మెంట్స్ బ్యానర్ పై రామ్‌ తాళ్లూరి నిర్మిస్తున్నారు. ఈ చిత్రంలో పాయల్ రాజ్ పుత్, నభా నటేష్ , తాన్యాహోప్ హీరోయిన్స్ గా నటిస్తున్నారు. అలాగే రవితేజ డ్యూయల్ రోల్‌లో నటిస్తుండగా బాబీ సింహ ప్రతి నాయకుడిగా కనిపించనున్నారు. థమన్ మ్యూజిక్, ఆబ్బూరి రవి డైలాగ్స్, కార్తీక్ ఘట్టమనేని గ్రాండియర్ విజువల్స్, సినిమాకు బాగా ప్లస్ అవుతున్నాయని చిత్రబృందం చెబుతుంది.
