టాలీవుడ్‌కి హీరోయిన్ల కొరత ఉందన్న సంగతి తెలిసిందే. అందుకే కొత్తగా పరిచయం అవుతున్న ముద్దుగుమ్మల్లో ఏమాత్రం టాలెంట్‌ ప్రదర్శించినా, వరుస అవకాశాలతో దూసుకెళ్లిపోతున్నారు. టాలీవుడ్‌కి హీరోయిన్లను పరిచయం చేయడంలో డైరెక్టర్‌ పూరీ జగన్నాధ్‌ది అందె వేసిన చేయి. ఆయన డైరెక్షన్‌లో వస్తోన్న 'రోగ్‌' సినిమా ద్వారా ఓ కొత్త భామ పరిచయం అవుతోంది. ఆ ముద్దుగుమ్మే ఏంజెలా. ఈ భామ టాలీవుడ్‌ని బాగానే ఎట్రాక్ట్‌ చేస్తోంది. గతంలో పూరీ పరిచయం చేసిన ముద్దుగుమ్మలు బాగానే పాపులర్‌ అయ్యారు. అలాగే ఈ ముద్దుగుమ్మ కూడా టాలీవుడ్‌లో ముందు ముందు దూసుకెళ్లే లక్షణాలు కనిపిస్తున్నాయంటున్నారు. పలువురు యంగ్ హీరోలు ఏంజెలా కోసం వాకబు చేస్తున్నారట. సినిమా ఇంకా విడుదల కాకముందే అమ్మడు టాక్‌ ఆఫ్‌ ది టాలీవుడ్‌ అయ్యింది. ఇక సినిమాలో అమ్మడి టాలెంట్‌ చూస్తే ఇంకెంత డిమాండ్‌ పెంచుకుంటుందో చూడాలి. ఇటీవలే ఈ సినిమా మోషన్‌ పోస్టర్‌ విడుదలయ్యింది. చాలా ఇంట్రెస్ట్‌ క్రియేట్‌ చేస్తోంది. ఇక ట్రైలర్‌ విడుదల కూడా త్వరలోనే ఉంది. ఈ సినిమాలో మరో ముద్దుగుమ్మ మనారా చోప్రా కూడా మరో హీరోయిన్‌గా నటిస్తోంది. ఈ భామ ఆల్రెడీ తెలుగు ప్రేక్షకులకు సుపరిచితురాలే. 'ప్రేమా గీమా జాన్తా నహీ' సునీల్‌ సినిమా 'జక్కన్న'లోనూ నటించింది ఈ ముద్దుగుమ్మ. త్వరలోనే ప్రేక్షకుల ముందుకు రానుంది ఈ సినిమా.