రాజశేఖర్‌ తాజా చిత్రం 'పిఎస్‌వి గరుడవేగ' ఈ సినిమాలో నెగెటివ్‌ రోల్‌లో నటిస్తున్నాడు నటుడు కిషోర్‌. విలన్‌ పాత్రలకు మంచి కటౌట్‌ కిషోర్‌. ఈ సినిమాలో జార్జ్‌ అనే పాత్రలో కనిపిస్తాడు. ఈ పాత్ర గురించే ఇప్పుడు అంతా చర్చించుకుటున్నారు. ఈ పాత్ర సినిమాలో చాలా భయంకరంగా ఉంటుందట. భయం అంటే అలా ఇలా కాదంటున్నారు. అంటే గెటప్‌ పరంగా కాదండోయ్‌ ఈ పాత్ర స్వభావం అంత భయంకరంగా ఉండబోతోందట. విలనిజానికి ఈ పాత్ర చెప్పుకోదగ్గదిగా ఉంటుందంటున్నారు. మనిషే రాక్షసుడైతే అనేంతలా అతని పాత్రని డిజైన్‌ చేశాడట దర్శకుడు ప్రవీణ్‌ సత్తారు. రాజశేఖర్‌ ముఖ్య పాత్రలో నటిస్తున్న సినిమా ఇది. ఓ గబ్బర్‌సింగ్‌ (బాలీవుడ్‌ సినిమాల్లోనే ది బెస్ట్‌ విలనీ పాత్ర), మొగాంబే (ఇది కూడా అంతే) ఆ తరహాలో ఈ జార్జ్‌ పాత్ర ఉంటుందని చిత్ర యూనిట్‌ చెబుతోంది. ఈ క్యారెక్టర్‌ ఫస్ట్‌లుక్‌ తాజాగా విడుదలయ్యింది. ఈ లుక్‌లో కిషోర్‌ ఛైర్‌లో కూర్చొని ఒక చేయి డిజిటల్‌లో కనిపిస్తోంది. రోబోటిక్‌ హ్యాండ్‌ తరహాలో ఉంది అది. మిలిటరీ డ్రస్సులో కిషోర్‌ చాలా కోపంగా చూస్తున్నట్లుగా ఉంది ఈ లుక్‌. ఈ సినిమాకి మరో స్పెషాలిటీ ఏంటంటే సన్నీలియోన్‌ ఐటమ్‌ సాంగ్‌ చేస్తోంది. ఈ సాంగ్‌ సినిమాకి మెయిన్‌ ఆట్రాక్షన్‌ కానుందట. త్వరలో ఈ సినిమా ప్రేక్షకుల ముందుకు రానుంది.