నారా రోహిత్‌లోని ఇన్నోసెంట్‌ నటనని చూసేశాం. పవర్‌ ఫుల్‌ నటనని చూసేశాం. గత చిత్రం 'అప్పట్లో ఒకడుండే వాడు' తో నెగిటివ్‌ షేడ్‌ కూడా చూపించేశాడు నారా రోహిత్‌. తాజాగా నారా రోహిత్‌ 'కథలో రాజకుమారి' సినిమాతో మన ముందుకు రాబోతున్నాడు. మహేష్‌ సూరపనేని దర్శకత్వంలో ఈ సినిమా తెరకెక్కుతోంది. నమితా ప్రమోద్‌ హీరోయిన్‌గా నటిస్తోంది ఈ సినిమాలో. ఈ సినిమాలో హీరోగానూ, విలన్‌గానూ నేనే నటిస్తున్నాను అని రోహిత్‌ తెలిపారు. ఈ విషయం టీజర్‌ చూస్తేనే స్పష్టమవుతోంది. అడిగి మరీ ఈ రెండు క్యారెక్టర్స్‌నీ చేయడానికి ఒప్పుకున్నాడట రోహిత్‌. ఈ సినిమాలో నాగశౌర్య ఓ ఇంపార్టెంట్‌ రోల్‌లో కనిపించనున్నాడు. ఈ ఇద్దరూ కలిసి నటించిన 'జ్యో అచ్చుతానంద' సినిమా మంచి విజయం అందుకుంది. ఎప్పటికప్పుడే డిఫరెంట్‌ కథల్ని ఎంచుకుంటాడు నారా రోహిత్‌. కథలో డిఫరెన్స్‌ వెతకడమే కాదు, తన బాడీ లాంగ్వేజ్‌కి సూటయ్యే కథల్ని ఎంచుకోవడం గొప్పతనం. అందుకే సినిమా విజయంతో సంబంధం లేకున్నా, నారా రోహిత్‌ సినిమా అంటే ఓ స్పెషల్‌ ఇంట్రెస్ట్‌ ఉంటుంది ఆడియన్స్‌లో. ఈ సినిమాలో తన పాత్రల్ని ఎప్పటికీ ఆడియన్స్‌ మర్చిపోరు అని నమ్మకంగా చెబుతున్నాడు నారా రోహిత్‌. అంతేకాదు ఈ సినిమాలో నారా రోహిత్‌ చాలా కొత్తగా కనిపిస్తాడట కూడా. ఈ సినిమాలో ఇళయరాజా రెండు పాటల్ని అందించారు. ఆ మ్యూజిక్‌ సినిమాకి చాలా బలం అంటోంది చిత్ర యూనిట్‌. ఈ సినిమా త్వరలోనే ప్రేక్షకుల ముందుకు రానుంది.