'జై' సినిమాతో హీరోగా ఎంట్రీ ఇచ్చాడు నవదీప్‌. నవదీప్‌ మంచి నటుడే. ఎలాంటి ఎమోషన్‌ అయినా చాలా అవలీలగా పండించగలడు. కానీ అదృష్టం కలిసి రావడం లేదు. తాజాగా 'ధృవ' సినిమా నవదీప్‌కి మంచి బ్రేక్‌ ఇచ్చింది. రామ్‌ చరణ్‌కి సపోర్టింగ్‌ రోల్‌లో కీలక పాత్రలో నటించాడు నవదీప్‌. గతంలో 'ఆర్య 2' సినిమా నవదీప్‌కి గుర్తింపు తెచ్చిన సినిమాగా చెప్పవచ్చు. ఆ తర్వాత 'ధృవ'నే ఆ స్థాయి గుర్తింపు తెచ్చింది. తాజాగా నవదీప్‌ హీరోగా వస్తోన్న సినిమా 'నటుడు'. కావ్యాశెట్టి హీరోయిన్‌గా నటిస్తోంది. ఎన్‌.ఎస్‌.ఆర్‌. ప్రసాద్‌ దర్శకత్వంలో తెరకెక్కుతోన్న ఈ సినిమా నిర్మాణ కార్యక్రమాలు పూర్తి చేసుకుని విడుదలకు సిద్ధంగా ఉంది. ఈ సినిమా గురించి పోజిటివ్‌ టాక్‌ వినిపిస్తోంది ఇండస్ట్రీలో. డిఫరెంట్‌ కాన్సెప్ట్‌తో తెరకెక్కే లవ్‌ స్టోరీ ఇది. చాలా లవ్‌ స్టోరీస్‌ని ఇంతవరకూ చూశాం. కానీ ఈ సినిమాలో లవ్‌తో బిజినెస్‌ చేసే ఓ డైనమిక్‌ కుర్రాడి క్యారెక్టర్‌లో నవదీప్‌ కనిపించనున్నాడు. హ్యూమన్‌ రిలేషన్స్‌ని నిలబెట్టుకోవాలంటే డబ్బు కావాలి. ఆ డబ్బు సంపాందించాలంటే ఏదో ఒక బిజినెస్‌ చేయాలి. అయితే హ్యూమన్‌ రిలేషన్స్‌తోనే బిజినెస్‌ చేస్తే ఎలా ఉంటుంది. అలా చేసిన యువకుడి జీవితం ఎన్ని మలుపుల తిరిగింది అనే కథాంశంతో తెరకెక్కుతోన్న సినిమా ఇది. ఈ సినిమాకు వస్తోన్న రెస్పాన్స్‌ని బట్టి, నవదీప్‌కి ఈ సినిమా సక్సెస్‌నిస్తుందని ఆశిస్తున్నారంతా. ఒకవేళ హిట్‌ కొడితే నవదీప్‌ మళ్లీ రేసులో దూసుకెళ్లిపోవడం ఖాయం.