దెయ్యం సినిమాలా లేదుగానీ ఆ స్థాయిలో థ్రిల్‌ ఇచ్చేలా ఉంది రాశి ప్రధాన పాత్రలో తెరకెక్కుతున్న 'లంక' సినిమా. రాశి పాత్ర చూస్తూంటే శూర్ఫణక తరహాలో కనిపిస్తోంది. తాజాగా ఈ సినిమా టీజర్‌ విడుదలయ్యింది. డీ గ్లామర్‌ లుక్‌లో రాశిని టీజర్‌లో చూపించడం గమనించదగ్గ అంశం. 'దేవుడు ఎదురైతే ఫేస్‌ చేసే ధైర్యముందా?' అని సినిమాలో రాశి డైలాగ్‌ చాలా బీభత్సంగా చెప్పింది. నెగెటివ్‌ షేడ్‌ ఆమె పాత్రలో కనిపించింది. పాత్ర పరంగా రాశి చాలా ఇంట్రెస్ట్‌ క్రియేట్‌ చేస్తోంది ఈ సినిమాలో. అయితే అందాల రాశిని ఇలా చూడాల్సి రావడం ఆమె అభిమానులకు కొంచెం ఇబ్బందికరంగానే ఉంది. అయితే సినిమాలో గ్లామరస్‌ యాంగిల్‌ కూడా బాగానే ఉంది. అలాగే గ్లామర్‌ లుక్‌లో కూడా రాశి కనిపించనుందని హింట్‌ ఇచ్చారు. అంటే రెండు డిఫరెంట్‌ షేడ్స్‌లో రాశి తన నటనతో ఆకట్టుకోనుందని తెలుస్తోంది. త్వరలోనే ప్రేక్షకుల ముందుకు రానున్న ఈ చిత్రానికి శ్రీముని దర్శత్వం వహిస్తున్నారు. ఈ సినిమాలో రాశితో పాటు సాయి రోనక్‌, ఐనా సాహ, సిజ్జు, సుప్రీత్‌, లీనా సిడ్డు, రాజేష్‌ తదితరులు నటిస్తున్నారు. రీ-ఎంట్రీలో రాశి 'కళ్యాణ వైభోగమే' అనే సినిమాలో నటించి మెప్పించింది. ఈ సినిమాలో కూడా ఆమె పాత్రకి పెద్దగా గ్లామర్‌ యాడ్‌ కాలేదు. కానీ హీరోయిన్‌ తల్లి పాత్రలో చాలా హుందాగా కనిపించింది అందాల భామ రాశి.