'హ్యాపీడేస్‌' సినిమాలో టైసన్‌ పాత్రలో కనిపించిన రాహుల్‌ ఆ తర్వాత సోలో హీరోగా పలు చిత్రాలు రూపొందాయి. కానీ అంతగా పాపులర్‌ కాలేదు ఆ సినిమాలు. కానీ టైసన్‌ హీరోగా రూపొందిన తాజా సినిమా 'వెంకటాపురం' విమర్శకుల ప్రశంసలు అందుకుంటోంది. ఈ సినిమాకి ప్రమోషన్‌ కార్యక్రమాలు కూడా బాగా జరిగాయి. ఇదొక థ్రిల్లర్‌ మూవీ. అద్భుతమైన కథను ఎంచుకున్నాడని రాహుల్‌ని ప్రశంసలతో ముంచెత్తేస్తున్నారు. ఇలాంటి కథలు చాలా రేర్‌గా దొరుకుతాయి. అలాంటి ఛాన్స్‌ టైసన్‌ దక్కించుకున్నాడు ఈ సినిమాతో. థ్రిల్లర్‌ మూవీనే కానీ అన్ని వర్గాల వారిని ఆకర్షిస్తోంది. మహిమా మక్వానా ఈ సినిమాలో హీరోయిన్‌గా నటిస్తోంది. ఈ మధ్య 'పెళ్లి చూపులు' సినిమాతో నైట్‌ నైట్‌ స్టార్‌ అయిపోయిన విజయ్‌ దేవరకొండలానే టైసన్‌కి ఈ సినిమా అలాంటి గుర్తింపు తెచ్చిపెట్టేలా ఉంది. ఓపినింగ్స్‌ బాగా వచ్చాయి ఈ సినిమాకి. ఫస్ట్‌లుక్‌ ఫోటోతోనే ఈ సినిమాలో ఏదో విషయం ఉందంటూ అందరి దృష్టినీ ఆకర్షించాడు టైసన్‌. 'హ్యాపీడేస్‌' సినిమా తర్వాత ఇంత మంచి అవకాశం లభించినందుకు టైసన్‌ చాలా హ్యాపీ ఫీలవుతున్నాడు. మంచి సినిమాని ప్రేక్షకులు ఎప్పుడూ ఆదరిస్తారనేందుకు 'వెంకటాపురం' సినిమా మరో చక్కని ఉదాహరణ. ఈ సినిమాతో టైసన్‌కి ముందు ముందు మంచి అవకాశాలొస్తాయని ఆశించవచ్చు.