వెంకీ హీరోగా తెరకెక్కుతోన్న 'గురు' చిత్రం త్వరలోనే విడుదలకి సిద్ధంగా ఉంది. ఈ సినిమాలో హీరోయిన్‌గా నటించిన ముద్దుగుమ్మ రితికా సింగ్‌ తన అభిప్రాయాలను అభిమానులతో పంచుకుంటోంది. ఈ ముద్దుగుమ్మ హీరోయిన్‌ కావడానికి ముందే మంచి బాక్సింగ్‌లో ప్రొఫిషనల్‌. అందుకే సినిమాలో చాలా నేచురల్‌గా నటించింది. బాలీవుడ్‌లో 'సాలా ఖదూస్‌' సినిమాలో ఈ ముద్దుగుమ్మే హీరోయిన్‌. ఇప్పుడు తెలుగులో వెంకీ హీరోగా 'గురు' టైటిల్‌తో ఈ సినిమా తెరకెక్కుతోంది. బాలీవుడ్‌లో ఆమె నటనకి మెచ్చే తెలుగులో కూడా ఈ ముద్దుగుమ్మనే హీరోయిన్‌గా తీసుకున్నారు. తమిళంలో ఈ ముద్దుగుమ్మ లారెన్స్‌ హీరోగా తెరకెక్కుతోన్న 'శివలింగా' సినిమాలో నటిస్తోంది. తెలుగులో 'గురు' సినిమాలో నటించడం తనకెంతో ఆనందంగా ఉందంటోంది. తెలుగులో హీరోయిన్లు చాలా అందంగా కనిపిస్తారనీ చెబుతోంది. అయితే ప్రస్తుతం తాను చేయబోతున్న 'గురు' సినిమాలో కథ పరంగా ఆమె ట్రాక్‌ పాంట్లతోనే కనిపించాల్సి వచ్చింది. కానీ అచ్చతెలుగు అమ్మాయిలా లంగా ఓణీల్లోనూ, శారీస్‌లోనూ కనిపించాలని ఉందంటోంది. తెలుగులో వరసగా సినిమాలు చేస్తానంటోంది. అలాగే భాషతో సంబంధం లేకుండా మంచి నటిగా గుర్తింపు తెచ్చే ఏ సినిమాలో అయినా నటించడానికి రెడీగా ఉన్నానంటోంది ఈ ముద్దుగుమ్మ రితికా సింగ్‌.