తాతినేని సత్య దర్శకత్వంలో సచిన్‌ జోషీ హీరోగా నటించిన 'వీడెవడు' సినిమా టీజర్‌ విడుదలైంది. సచిన్‌ జోషీ తెలుగులో 'ఒరేయ్‌ పండు' సహా పలు సినిమాల్లో నటించాడు. తన సినిమాల్లో గ్రాండ్‌ లుక్‌ ఉండేలా చూసుకోవడంలో సచిన్‌ జోషీది సెపరేట్‌ స్టయిల్‌. అయితే అతని సినిమాలేవీ ఇంతవరకు తెలుగులో ఆశించిన విజయాన్ని దక్కించుకోలేదు. అయితే ఈసారి కొత్త జోనర్‌ని ట్రై చేసినట్టున్నాడు సచిన్‌ జోషి. మాంఛి ఫిజిక్‌తో, మార్షల్‌ ఆర్ట్స్‌లో ప్రావీణ్యం సాధించినట్లుగా కనిపిస్తున్నాడు. జైల్లో విచారణ ఎదుర్కొంటున్న ఖైదీలా టీజర్‌లో కనిపించిన సచిన్‌ జోషి, మంచి ఈజ్‌ అయితే చూపిస్తున్నాడని చెప్పక తప్పదు. సూపర్బ్‌ బ్యాక్‌గ్రౌండ్‌ స్కోర్‌తో టీజర్‌ని కట్‌ చేశారు. సినిమాటోగ్రఫీ చాలా బాగా అనిపిస్తోంది. అలాగే టీజర్‌లో గ్లామర్‌ కూడా ఉంది. ఇవన్నీ చూశాక 'వీడెవడు' సినిమాపై అంచనాలు పెరగడం సహజమే. తెలుగు, తమిళ భాషలతోపాటు ఈ చిత్రాన్ని హిందీలో కూడా విడుదల చేయనున్నారట. సినిమా తప్పక విజయం సాధిస్తుందనీ, ప్రాణం పెట్టి సినిమాని తీశామని అంటున్నాడు సచిన్‌ జోషి. టెక్నికల్‌గా సినిమా అత్యద్భుతంగా ఉండబోతోందని సమాచారమ్‌. టీజర్‌ చూస్తే ఆ మాట నిజమేననిపిస్తుంది.