ఈ మాట అన్నది ఎవరో కాదు రామ్‌ గోపాల్‌ వర్మ. రామ్‌ గోపాల్‌ వర్మ ఎప్పుడు ఏం కామెంట్‌ చేస్తాడో ఎవ్వరికీ తెలీదు. అలాంటిది తాజాగా సోషల్‌ మీడియాలో రాజమౌళి దర్శకత్వంలో పవన్‌ కళ్యాణ్‌ సినిమా చేస్తే చూడాలని ఉందని.. వర్మ ట్వీట్‌ చేశారు. నిన్న మొన్నటి దాకా పవన్‌ కళ్యాణ్‌ సినిమా 'కాటమరాయుడు'పై విమర్శల వర్షం కురిపించిన వర్మ ఈ రోజు ఇలా స్పందించడంపై అర్ధం ఏంటో ఎవ్వరికీ అర్ధం కావడం లేదు. మెగా ఫ్యామిలీపై ఎప్పటికప్పుడే ఘాటు ఘాటుగా కామెంట్స్‌ చేస్తూ ఉంటాడు. అలాగే అప్పుడే పవన్‌ అంటే నాకు దేవుడు అంటాడు. వర్మని అర్ధం చేసుకోవడం ఎవ్వరి వల్లా కాదు. పవన్‌ ఫ్యాన్స్‌ని పిచ్చోళ్లు అని విమర్శించాడు రామ్‌ గోపాల్‌ వర్మ. సోషల్‌ మీడియాలో పవన్‌ ఫ్యాన్స్‌ ఆయనపై గుర్రుమంటున్నా.. వర్మ తన ట్వీట్ల తాకిడి కొనసాగిస్తూనే ఉంటాడు. మొత్తానికి పవన్‌ కళ్యాణ్‌, రాజమౌళి దర్శకత్వంలో నటిస్తే చూడాలన్న వర్మ ఆకాంక్ష తీరేదో కాదో తెలీదు. కానీ ఆయన తన కోరికను బయట పెట్టడం తప్పేమీ కాదు. అలాగే పవన్‌ సినిమా చేస్తానంటే రాజమౌళి దర్శకత్వం వహించడానికి కూడా రెడీగానే ఉంటారు. రాజమౌళి 'మగధీర'తో చరణ్‌ సూపర్‌ డూపర్‌ హిట్‌ అందుకున్నాడు. చరణ్‌ కెరీర్‌లోనే ది బెస్ట్‌ మూవీగా 'మగధీర' నిలిచింది. అలాగే వర్మ ఆకాంక్ష తీరేలా ఈ కాంబినేషన్‌ ఓకే అవుతుందేమో చూద్దాం!