త్రిష ప్రధాన పాత్రలో రూపొందుతున్న 'గజరాణి' సినిమా పోస్టర్‌ సెన్సేషన్‌ అయ్యింది. 'నాయకి' తదితర సినిమాల్లో నటించినా, లేడీ ఓరియెంటెడ్‌ సినిమాలతో ఇప్పటిదాకా సత్తా చాటలేకపోయిన త్రిష, ఈ 'గజరాణి'పై ఎన్నో ఆశలు పెట్టుకుందట. సుందర్‌ బాలు తమిళంలో రూపొందిస్తున్నాడు ఈ 'గజరాణి' చిత్రాన్ని. తమిళంతోపాటు, తెలుగులోనూ ఈ సినిమా విడుదల కానుంది. భారీ రెమ్యునరేషన్‌ ఈ సినిమా కోసం త్రిష అందుకుందని తమిళ సినీ వర్గాల్లో గాసిప్స్‌ వినవస్తున్నాయి. అంతలా ఆమెకు భారీ రెమ్యునరేషన్‌ ఇవ్వడానికి కూడా బలమైన కారణం ఉందట. అదేమిటంటే సినిమా కోసం త్రిష చాలా రిస్కీ సీన్స్‌ చేసిందని సమాచారమ్‌. షూటింగ్‌ సమయంలో ఒకటి రెండుసార్లు త్రిష గాయపడిందని కూడా గుసగుసలు వినవస్తున్నాయి. అయితే త్రిష మాత్రం ఆ గాసిప్స్‌ని ఖండించలేదు, సమర్థించలేదు. హీరోయిన్‌గా తమిళ, తెలుగు సినీ పరిశ్రమల్లో నెంబర్‌ వన్‌ అనిపించుకున్న త్రిష, పదేళ్ళకుపైగానే స్టార్‌ హీరోయిన్‌గా ఓ వెలుగు వెలుగుతోంది. ఒకప్పుడు ప్రయోగాత్మక సినిమాల్లో చెయ్యబోనని చెప్పిన ఈ బ్యూటీ ఇప్పుడు అలాంటి సినిమాల్నే ఎంచుకుంటోంది. త్రిష చేతిలో అరడజనుకు పైగా సినిమాలున్నాయి. వాటిల్లో ఎక్కువగా లేడీ ఓరియెంటెడ్‌ చిత్రాలే. అందులోనూ కొన్ని దెయ్యం సినిమాలున్నాయి.