హీరోయిన్స్‌ అంటే గ్లామర్‌ డాల్స్‌ మాత్రమే అనే ఉద్దేశ్యం ఉన్న టైంలో హీరోయిన్స్‌ అంటే కేవలం గ్లామర్‌ కోసమే కాదు, హీరోలతో సమాసంగా ఫైట్లూ, ఫీట్లూ కూడా చేయగలరు. కథలో కీలకమైన మార్పులు కూడా తీసుకురాగలరు అని నిరూపించిన ముద్దుగుమ్మ విజయశాంతి. హీరోలతో సమానంగా ఫైట్లు చేసేసింది ఈ ముద్దుగుమ్మ అప్పట్లో. లేడీ ఓరియెంటెడ్‌ మూవీస్‌కి పెట్టింది పేరు. ఆమె ప్రధాన పాత్రల్లో తెరకెక్కిన పలు చిత్రాలు సెన్సేషనల్‌ హిట్స్‌ అందుకున్నాయి అప్పట్లో. అప్పటికీ, ఇప్పటికీ లేడీ సూపర్‌ స్టార్‌ అంటే విజయశాంతి అన్న సార్ధక నామధేయమే ప్రాచుర్యంలో ఉంది. అలాంటి లేడీ సూపర్‌ స్టార్‌ చాలా కాలంగా సినిమాలకు దూరంగా ఉంది. రాజకీయాల్లో యాక్టివ్‌గా ఉన్నారామె. తన తోటి నటీనటులు రోజా, రమ్యకృష్ణ సినిమాల్లో తన సత్తా చాటుతున్నారు ఇప్పటికీ. కానీ విజయశాంతి మాత్రం ముఖానికి మేకప్‌ వేసుకుని చాలా కాలమే అయ్యింది. అయితే ఇప్పుడిప్పుడే ఆమె సినిమాల్లో రీ ఎంట్రీ గురించి వార్తలు బాగా వినిపిస్తున్నాయి. వినిపించడమే కాదు బ్యాక్‌ గ్రౌండ్‌ వర్క్‌ కూడా శర వేగంగానే జరుగుతోందంటున్నారు. ఓ మంచి కథ కోసం విజయశాంతి ఇప్పటికే పలు కథలు వింటున్నారనీ తెలుస్తోంది. కథ ఓకే అవగానే విజయశాంతి రీ ఎంట్రీ పక్కా అనేది విశ్వసనీయ వర్గాల సమాచారమ్‌.