సుకుమార్ అంటేనే ఐటెమ్ గీతాల స్పెష‌లిస్టు. తొలి సినిమా నుంచి.. ఇప్ప‌టి వ‌ర‌కూ ఐటెమ్ పాట‌ని వ‌దల్లేదు. అ అంటే అమ‌లాపురం, ద‌గ్గ‌ర్నుంచి జిగేలు రాణి వ‌ర‌కూ సుకుమార్‌సినిమాలో వినిపించిన ప్ర‌తీ ఐటెమ్ గీత‌మూ హిట్టే. అవ‌న్నీ ట్రెండ్ సెట్ట‌ర్లుగా మిగిలిపోయాయి. ఇప్పుడు `పుష్ష‌`లో ఐటెమ్ గీతం లేక‌పోతే ఎలా? పుష్ష కోసం.. ఓ ఐటెమ్ గీతాన్ని తీర్చిదిద్ద‌బోతున్నారు. ఇప్ప‌టికే.. దేవిశ్రీ ప్ర‌సాద్ అదిరిపోయే ట్యూన్ ఒక‌టి సిద్ధం చేశాడ‌ట‌.

ఈ పాట కోసం ఎవ‌రిని తీసుకోవాలి? అనే చ‌ర్చ కూడా సాగుతోంది. టాలీవుడ్ లోని ప్ర‌ముఖ హీరోయిన్లంద‌రి పేర్లూ.. ఈ పాట కోసం ప‌రిశీలించారు. బాలీవుడ్ భామ‌ల గురించీ ఆరా తీశారు. చివ‌రికి దిశా ప‌టానీని ఎంచుకున్న‌ట్టు తెలుస్తోంది. బాలీవుడ్ లో దిశా పేరు మార్మోగిపోతోంది. ప్ర‌భాస్ తోనూ ఓ సినిమా చేస్తోందిప్పుడు. అందుకే దిశా అయితే బాగుంటుంద‌ని భావిస్తున్నార్ట‌. ఈ పాట కోసం దిశ‌కు కోటి రూపాయ‌లు చెల్లిస్తున్న‌ట్టు టాక్ వినిపిస్తోంది. మ‌రి... ఈ పాట ఏ రేంజులో పేలుతుందో చూడాలి.